Arrasate: Lepe Arberoan Komunikazio Ez Bortitza bizitzen
Datorren apirilaren 15ean, Donamartiriko (Behe Nafarroa) Arberoa Ikastolako kideak izango ditugu Arrasaten “Lepe Arberoan Komunikazio Ez Bortitza bizitzen” (2017, Zuzendaria Itziar Baztarrika) dokumentala aurkezteko.
Proiekzioa Txatxilipurdi Elkarteak Komunikazio EzBortitzaren inguruan abian duen lan ildoaren baitan eta “Komunikazio EzBortitza; Bizi-hizkuntza bat” liburuaren argitalpenaren aitzakiapean antolatu dugu.
Ekitaldian Arberoa Ikastolako kideek eta Txatxilipurdi Elkarteko kideok parte hartuko dugu, eta dokumentala ikusteaz gain, gaiaren inguruan solasteko tartea izango dugu.
Komunikazio EzBortitza hezitzaileontzat, familientzat zein herritar ororentzat komunikazio modu interesgarria dela uste dugunez gero, hitzordu hau ere zurekin partekatzea gustatuko litzaiguke. Hori dela eta, ekitaldian parte hartzera gonbidatu nahi zaitugu.
– EGUNA: Apirilak 15, osteguna
– ORDUA: Arratsaldeko 18:00etan (ordu eta erdi inguruko iraupena)
– TOKIA: Kulturateko areto nagusian
– AFOROA: COVIDa dela eta aretoko partaide kopurua mugatua izango da. Izen emateko hurrenkeraren arabera beteko ditugu aurrez-aurreko plazak.
Izen emateko galdetegia: https://labur.eus/KEB_proiekzioa
Iruzkinik ez "Arrasate: Lepe Arberoan Komunikazio Ez Bortitza bizitzen"