Ikastetxe publikoetan ere kezkatuta daude bullying edo jazarpen kasuekin. Debagoieneko ikastetxe publikoak batzen dituen Goi Eskolako Lurdes Ugaldek eta Maite Lasak azaldu dute 2007. urtetik aplikatzen dela sareko ikastetxeetan Eusko Jaurlaritzak idatzi eta berritzen joandako Eskola jazarpen kasuetan ikastetxeetan jarduteko gida.

Horrekin batera prebentzioa lantzen dute, eta horretarako elkarbizitza planak definitzen dituzte ikastetxez ikastetxe. Komunitate osoaren prestakuntza ahalbidetzen dute plan horiek. “Ikasleen trebetasun sozialak ere lantzen ditugu, hala nola emozioen kudeaketa, gatazken kudeaketa, enpatia… “, azaltzen dute Ugaldek eta Lasak. “Gaitasun horietan zailtasun bereziak dituzten ikasleei banakako saioak eskaintzen zaizkie konpetentzia horiek garatzeko”.

Golden 5 programak, bizikidetza batzordeek eta ikasketa kooperatiboa moduko programek ere laguntzen dute jazarpen egoerei aurre egiten. Azalpen gehiago ondorengo bideoan.