Adibide-orrialdea
Hau orrialde baten adibidea da. Blog bidalketa batengatik desberdina da leku bakarrean egongo delako eta zure guneko nabigazioan agertuko delako (itxura gehienetan). Jende gehiena “Honi buruz” izeneko orrialde bat sortuz hasten da, guneko bistari potentzialei bere burua aurkezten diona. Honen antzerako zeozer esan beharko luke:
Kaixo denei! Egunez harri-jasotzailea naiz, gauez berriz bertsolaria, eta hau da nire webgunea. Abaltzisketan bizi naiz, Pintxo izeneko txakur handi bat dut eta sagardoa gustoko dut. (Eta sirimiriaz bustitzea ere)
…edo horrelako zer edo zer:
XYZ Tramankulu Enpresa 1971an sortu zen, eta ordudanik kalitatzeko tramankuluak hornitzen ditu publikoarentzat. Gotham Hirian kokatuta, XYZ lana ematen dio 2000 lagun baina gehiagori eta mota guztietako ikaragarrizko gauzak egiten ditu Gothamgo komunitatearentzat.
WordPress erabiltzaile berria zarenez, zure arbelera joan beharko zinateke orrialde hau ezabatu eta zure edukirako orrialde berriak sortzeko. Ondo pasa!
Gurasoen hezkuntza-lanari babesa emateko helburuarekin, gurasoentzako seme-alaben heziketaren inguruan zenbait tailer egingo dituzte, otsailean hasita. Hemen eman daiteke izena, baita 943 25 20 00 telefono zenbakira deituta ere.
Gurasoentzako tailerrak antolatu ditu Arrasateko Udalak, honako helburu nagusi honekin: “Gurasoekin seme-alaben heziketaren inguruan hausnartzea eta gurasoei egunerokotasunean sortzen zaizkien kezka eta zailtasunak partekatzeko guneak eskaintzea”.
0 eta 2 urte arteko seme-alabak dituztenentzat, haziera eta haur masaje tailerra egingo dute, otsailaren 12an hasita, Itziar Rosadoren eta Jon Urdinetaren eskutik. Lau saio egingo dituzte, eguaztenetan, Txikitxokoan, 10:00etatik 11:30era.
2 eta 6 urte arteko seme-alabak dituztenentzat, bizipen tailerrak izango dira Arizmendi Ikastolako Olarte gunean zein Arrasate Herri Eskolaren Erguin gunean. Olarte gunean, otsailaren 5ean, martxoaren 5ean, apirilaren 2an eta maiatzaren 14an izango dira saioak, 17:00etatik 19:00etara. Erguinen, aldiz, otsailaren 12an, martxoaren 12an, apirilaren 9an eta maiatzaren 21ean, horiek ere 17:00etatik 19:00etara. Saio guztiak Itziar Rosadok dinamizatuko ditu.
Era berean, 6 eta 11 urte arteko seme-alabak dituztenekin, guraso abileziak garatzeko trebakuntza praktikoa egingo dute, Kulturateko Garibai gelan, 17:30etik 19:30era. Sei saio egingo dituzte: otsailaren 20an eta 27an; martxoaren 20an eta 27an; apirilaren 10ean eta maiatzaren 15ean. Leyre Canok dinamizatuko ditu tailerrak.
Azkenik, 12 eta 16 urte arteko seme-alabak dituztenentzat, Nerabezaroa, erronka bat norentzat? izeneko tailerra egingo dute, Agipad elkartearen eskutik. Zortzi saio izango dira: otsailaren 5ean eta 26an; martxoaren 5ean eta 26an; apirilaren 2an eta 30ean; eta maiatzaren 21ean eta 28an. Kulturateko Jokin Zaitegi gelan egingo dituzte guztiak, 18:00etatik 20:00etara.
“Bizipoza” ospatuko du Egia auzoak datorren maiatzaren 11ean
Aniztasunaren aldeko jaialdia hartuko du Donostiako auzoak ikastetxe, erakunde eta eragile andana batzea lortuta
“Es en Egia donde reina la alegría!” dio duela hamarkada batzutako auzoko kantu herrikoiak. Bada, heldu da udaberria Egia auzora! Bizi-bizia, aniztasunaren aldeko ekimenak zein eragileek ekarpen handia egiten diote auzotarren egunerokoari.
Bide horretan, udaberrian zehar hamaika ekimen antolatu ditugu eta, maiatzaren 11ean Bizipoza egunari egingo diogu ongietorria.
Egitaraua:
GAUR, APIRILAK 2, 18.00ean Egiako kulturetxean batzartu gara partaide garen ikastetxe, eragile, antolatzaile eta babesleak argazkia atera eta iragarpena egiteko.
Ia 40 dira egitasmora batutako erakunde eta gizarte eragileak:
Haurtxokoa, Gaztelekua, Egia haurgunea, Antxeta, Haurralde, Hezten, Sexugune, Eihera eta Latxaga eta Sibilia guraso elkarteak. Baita ere, Ongi etorri eskolara, Egia Zeinuka eta Egia euskaraz.
Tabakalera, Kulturetxea, Teila fabrika eta Gordegia kultur erakunde eta eragileek parte hartu dute, baita Txondorra, Porrontxo jai batzordea, Algaraklown eta Kantujira ere ariko dira.
Txokoberri eta Egiatarrak jubilatu elkarteak, TAU frantziskotarrek, Egia Bizirik auzo elkarteak eta Azoka Txikia izango dira.
Kirol alorrean, Kostkas, Egia eskubaloia, Egia Alai eta Trebeska eta Aitzarte dantza eta mendi taldeak.
Guztiontzako Egia, SOS Arrazakeria eta Kaleko afari solidarioak ere bai.
Horrez gainera, APIRILAK 11 ostirala, opor aurreko topaketa egingo dugu Egia auzoko 4 ikastetxeak plazan batuta, Aitor ikastola, María Reina, Lauaizeta eta Presentación de María ikastetxeak batuta, hain zuzen ere.
MAIATZEKO LEHEN ASTEAN, oporren ostean ere, hainbat ekimenek osatutako egitaraua
prestatu dugu.
MAIATZAREN 11ean, azkenik, aurtengo BIZIPOZA eguna ospatuko dugu, Egia auzoko plaza eta kaleak ekintza ezberdinekin eta egun osoko egitarauarekin betez.
[Prentsarako harremana: 607427690]
Hezkuntza formalean zein ez-formalean, bizitzako edozein aspektutan eta edozein momentutan, sexualitatea agertzen zaigu. Ezin gara sexualitatearen aspektu erotikora mugatu: esnatzen garen momentutik lo hartzen dugunera arte, gure buruarekin, beste norbaitekin zein taldean agertzen zaigu sexualitatea, eta sarri askotan, haur eta nerabeekin lanean ari garenean, esaterako, ez dakigu nola esku-hartu.
Oinherri, herri hezitzaileen saretik liburuxka berri bat argitaratuko dute maiatzean, hamaikagarrena dagoeneko, eta aurkezpena egiteko, maiatzaren 16an, ostiralez, “Nola Landu Sexualitatea Hezitzaileon Egunerokoan” jardunaldia egingo dute Arrasateko Kulturate espazioan.
Liburuxka honek aisialdi hezitzailearen eta hezkuntza ez-formalaren testuinguruan sexualitatea lantzeko tresna izan nahi du. Sexualitatea askatasunez, autonomiaz eta errespetuz bizitzeko bideak eskaintzen ditu, hezkidetza sexualetik abiatuta. Sortu dugun liburuxka hezitzaileentzako gida bat da, haur eta nerabeekin sexualitatearen inguruko hausnarketa eta lanketa sustatzeko.
Aisialdi hezitzailea eta hezkuntza ez-formala gune pribilegiatuak dira sexualitatea modu naturalean eta egokian lantzeko. Eskolako sexu-hezkuntza garrantzitsua den arren, sarritan ikuspegi biologizistara edo arriskuen prebentziora mugatzen da. Aisialdian eta eskolaz kanpoko hezkuntzan, ordea, harremanak eta bizipenak modu irekiagoan eta informalean aztertzeko aukera dago. Gainera, abantaila esanguratsuak ditu, hurbiltasuna eta konfiantza, eredu alternatiboak sortzea, plazeraren eta autonomiaren ikuspegia lantzea, edota elkarrizketa eta zalantzak argitzeko aukera gehiago izatea, esaterako.
Herrietako edozein norbanako, elkarte edo eragile bertaratu daitekeen arren, hezitzaileei, familiei eta haur eta gazteekin lan egiten duten bestelako profesionalei zuzenduta dago bereziki jardunaldia, eta doakoa izango da.
Jardunaldian izena emateko ondorengo galdetegia bete beharko da: https://labur.eus/ao7qgltp