La noche se puso kinky

Tres dedos en el toto

En el culo el pinky

Las moñas violeta, como Tinky-Winky

Una nalgada y la dejo como Po

Ey, le doy por donde hace pipí, por donde hace popó

Bad Bunnyk disko berria kaleratu du, eta zenbait instagramer helduk (psikologoak, emaginak…) mezu alarmistak bota dituzte: ez badugu gure umeen sexu-heziketa bermatzen, Puerto Ricoko traplariak egingo du. Testuinguru gabe zabaldu duten letra jakin horrez egin duten irakurketak berretsi egiten du gizonezko kantari latinoekiko zabaldua dagoen aurreiritzi europarra: matxista basati eta txoriburuak direla, haien plazerrerako objektu bihurtzen dituztela emakumea, porno misoginoaren fantasiak errepikatzen dituztela, eta ez dutela aluaren anatomiari buruzko ideiarik.

Boteprontoan, pena eman dit Benitok hanka sartu izana. Zergatik pena? Gazteen artean arrakasta duten musikari komertzialen artean, Bad Bunny delako, hain zuzen ere, maskulinitate hegemonikoan arrakala txikiak (baina garrantzitsuak) eragiten ari dituena, batez ere LGTBifobiaren aurkako konpromisoagatik. Eszenatokira gonarekin igo zen transfemizidioa salatzeko; emakumezko zein gizonezko dantzariekin musukatu da oholtza, eta Don Omarri kargu hartu zion Twitterren gayen aurkako txio batengatik: “Homofobia honezkero? Ze lotsa, loco!”. Are gehiago, Villano Antillano raplari transaren karreran lagundu du, eta Baticano abestian bertan ere aipatzen du (Me beso con Villana, me beso con Tockischa). Gizon hetero batek abesten du emakume trans batekin musukatzen dela, harro, baina horrek ez du adituen arreta deitzen. Eta hori gutxi balitz, azken diskoko beste letra batean arrakalatzen du bere identitate (Ya mismo me hago bi sin dejar de ser hetero).

Diskoa entzun dut Spotifyn, letra guztiak betaurreko moreekin entzuteko prest, eta Fina abestira egiten dut salto lehenik, Young Mikoren izenak erakarrita. Izan ere, Young Miko Puerto Ricoko raplari bat da, lesbiana harroa. Karol G-rekin perreatu du oholtzan, eta Aitanak aitortu du harekin liluratuta dagoela. Bada, Finaren letra apunteak hartzeko modukoa da. Hasteko, Young Mikok goraipatzen du gustuko duen emakume bisexuala, honen orgasmoez eta fantasiez hitz egiten du, baita praktika jakin batzuk eskatzeko ausaridari buruz ere (“Me gustan las bitchy y las gyales, kinkys y salvajes / Tímidas, pero no cuando me piden que baje”).

Untxiaren txanda da ondoren: aluan musu ematen dio bere maitaleari, eta aldagelan sexua izatea proposatzen dio, zer eta dardaragailu batekin (De espaldita y a la vez el vibrador). Beste momentu batean, ipurdia miazkatzen dio neskari (Mami, hoy voy a enseñarte cómo es que un culo se mama). Emakumeen hipersexualizazioa ikusiko dute askok letra horietan, baina nire ustez, Bad Bunnyk proposartzen duen markoa erabat horizontala da (Nos preguntan cómo nos comunicamos… pues de una conectamos / Que yo soy un bellaco, pero tú me ganas /  Yo soy tu bambino, tú eres mi villana).

Emakumeen sexu askatasuna aldarrikatzea da, hain zuzen ere, abesti honen errepikako mezua (Si la más puta es la más fina), Itziar Ziga bezalako feministek egin dutena egiteko: irainaren apropiazioa. Eta azkenengo bertsoetan azpimarratzen dute slutshaming delako jarrera matxistaren kontrako abisua, keinu transinklusiboa barne:


Oye, esto es pa’ todas’ las bebesotas del mundo entero


Que están bien ricas, que tienen lo de ellas


Y que viven como les salga de lo’, de lo’ ovarios, de los cojones, donde sea

Ey, mami, sé tú y que se joda


Háblale de ti, que no le hables de boda,

Mira, tú sabes que a nosotros nos importa un bicho


Lo que ustedes piensen, ¿verdad’?

Esango didazue: bai, baina ez da hori kritikatu duten abestia, Baticano baizik. Ados, azter dezagun bada patsadaz. Abestiaren izenak aurreratzen du kanta horren gai nagusia ez dela sexua, elizei kritika baizik. Hala, sexuaz hitz egiten du modu ironiko batean, fededunak zirikatzeko xedearekin. Horregatik nahasten ditu Teletubbies-eko pertsonaiak sexu eszena gordinekin. Gakoa da ahots bat entzuten dela orduan: Dios te está mirando, Dios te está escuchando. Eso es lo que le estamos enseñando a nuestros hijos. Hortaz, probokazio bat da, eta haren matxismoa deitoratzen duten adituak ere erori dira amuan.

Horrez gain, interesgarria da kontrajartzea letra nola interpretatu duten horren literaltasunarekin. Alegia, adituek egin duten irakurketa da praktika bortitzak eta mingarriak direla emakumeentzat. Ez dute aintzat hartzen estrofaren abisua: La noche se puso kinky. Kink kulturak erreferentzia egiten dio sexu ez konbentzionalari, BDSMa barne (bondage, sumisioa, dominazioa eta sadomasokismoa), non adostasuna bereziki zaintzen den. Hala, “una nalgada y le dejo como a Po (gorri)” esaten duenean, ez da tratu txarrez ari, baizik eta BDSM-an gozagarria den spanking-ari buruz.

Google-n bilatu dut pinkyren esanahia, eta hatz txikia da! Ikusten? Adituek mingarritzat jo duten penetrazio bikoitza ez da falozentrikoa: Bad Bunnyk eskuekin estimulatzen du bere maitalea, alutik eta uzkitik. Baina gehien kritikatu dutena da “le doy por donde hace pipí” hori; leporatu diote ez jakitea aludun pertsonok uretratik egiten dugula txiza, ez baginatik. Benetan uste dugu cunnilingus eta dardaragailuak etengabe aipatzen dituen tipo batek ez dakiela hori? Ez da sinesgarriagoa ulertzea “aurretik eta atzetik ematen diot”, alegia, alutik, oro har? Ez al da sinesgarriagoa, abestia bere osotasunean hartuta, errima erraza egin duela ulertzea?

Bitartean, Espainiako mutil tiktokerren mezu moralistek ez dute halako polemikarik pizten. Nerea Barjola Microfísica sexista del poder saiakera ezinbestekoaren egileak bere hitzaldietan jartzen ditu tiktoker baten bideoak, zeinek neskei ohartarazten dien gizon askorekin oheratuz gero, haien balio pertsonala erabat galduko dutela. Hori da gizartean alarma sortu beharko lukeen diskurtso matxista: moral sexual bikoitzarena, puta/emazte dikotomiarena, biktimak errudun bihurtzen dituen bortxaketaren kulturarena.

Eskerrak egon badaudela hamaika sexologo feminista, beste ikuspuntu bat dutenak, nerabeek gustoko dituzten produktu kulturalak deitoratu baino, ezagutu eta modu kritikoan kontsumitzeko gakoak ematen dituztenak. Isa Duque (alias La Psicowoman), Pitu Aparicio eta Magda Piñeyro gomendatzen ditut bereziki Estatu mailan. Duquek, Acercarse a la generación Z. Una guía práctica para entender a la juventud actual sin prejuicios liburuan, Benitoren izena erabiltzen du mamu bezala kapitulu baten izenburuan, nerabeenganako begirada positiboago baten aldeko mezua botatzeko. Bad Bunnyren genero-ariketak aipatzeaz gain, zerrendatzen ditu gaur egungo gazteek dituzten erreferente zoragarriak: Nathy Peluso, La Pili, Billie Elish, Lady Gaga, Lola Índigo, María José Llergo, Demi Lovato edo Taylor Swift.

Artikulu honen helburua ez baita Bad Bunny defendatzea edo goraipatzea, baizik eta gurasoei deitzea bestelako jarrera bat izateko: alarmismoan baino, enpatian, gertutasunean, interesean eta umiltasunean ardaztua. Nerabeak ez baitira subjektu zaurgarri eta akritikoak. Agian gogoratu beharko genuke nondik gatozen guk, guraso boomerrok: Canal +-eko porno kodifikatua ikustetik; ipurdia beti sudaderarekin estalia eramatetik; Rosana edota T.A.T.U. bezalako erreferente lesbiko armarizatu edo prefabrikatuak baino ez izatetik… Tira, agian sexu-errepresioan eta tabuan hezi ginenok badugu zer ikasi nerabeengandik eta Bad Bunnyren letrengatik.

Oharrak:

Artikulu hau Pikara Magazinerako idatzi nuenaren itzulpena da. Hori instagramen zabaldu nuenean, gazteekin lan egiten duten sexologo eta sexu-hezitzaile feminista eta kuirren zerrenda kolektiboa osatu genuen: besteak beste, Hiruki Larroxa, Eihera, Somos Peculiarres-eko Mel, Maitena Usabiaga, Lore Sexologia eta Juncal Sexologia aipatu genituen.

Geroztik pare bat gauza gertatu dira: alde batetik, Bad Bunnyk estreinatu duela Baticanoren bideoklipa, eta oso gomendagarria iruditzen zait. Eszena jakin batean, aita bat bere semearekin telebista ikusten agertzen da, eta aitak irribarre egiten du pantailan erailketa matxista bat ikusten dutenean, baina umeari begiak estaltzen dizkio bi gizon musukatzen ateratzen direnean. Bestetik, Emakundek Azaroaren 25erako kanpaina atera du, nerabeek pornoa kontsumitzen dutela salatzen duena. Pornoari buruzko ikuspuntu alarmista horren kontrakoa naiz, artikulu honetan azaldu ditudan arrazoi antzekoengatik. Erreportaje bat idatziko dut horri buruz.