Thimothy Archibald argazkilaria da eta 2013an aurkeztu zuen Echolilia izeneko argazki-liburua. Bere semea da argazki-liburuko protagonista nagusia. Autista da eta aitak semearen mundua jaso nahi izan du irudiotan.

captura-de-pantalla-2016-12-12-a-las-12-07-21

Etxerako argazkiak ateratzea zen Archibald-en hasiera asmoa, baina egitasmoa proiektu fotografiko bihurtu zen azkenean. Proiektu berezia; izan ere, ohikoa izaten da argazki saioak argazkilariak gidatzea. Ez horrela kasu honetan. Bost urteko mutikoak markatu zituen argazkilariaren erritmoa.

Bost urte zituen mutikoak argazkiak ateratzeko unean. Txikitatik erakarmen handia sortu diote objektu mekanikoek. “Ez dut nahi izan mutikoak ‘normala’ dela pentsa zezan. Nahi izan dut beti  zenbateraino den ‘berezia’ kontziente izatea eta hori ona den zerbait moduan ulertzea”, adierazi du Archibald-ek.

Irudi sorta hemen ikusgai.

Elkarteak gurean

Autismoaren Espektroko Nahasmenen (AEN) eredua da autismoa eta gizarteratze, komunikazio eta jardueraren garapen arrunta oztopatzen duten haur-nahasmenak dira. Garunaren anomaliei lotzen zaizkie, baina oraindik ez dira era sakonean zehaztu, eta funtsean, arrazoi genetikoei egozten zaizkie. 1943an idatzi zen honi buruzko lehen artikulua eta gaur egun lehen baino maiztasun handiagoz identifikatzen dira kasuak. Gaur egun sendaezinak badira ere, egungo tratamenduek nahasmen horiek dituzten pertsonen bizi-kalitatea hobetzen laguntzen dute eta, laguntzarekin, ingurune normalizatuan bizi daitezen lortzen dute.

Gipuzkoan 30 urtetik gorako ibilbidea du Gautena elkarteak. Berriki Europa 2016 Hiritartasun Saria jaso dute Bruselan. Bizkaian Apnabi elkartea dago martxan. Araban, berriz, Autismo Araba elkartea sortu dute. Behe-Nafarroan Bizideki elkartea dute. Donibane Garazi eta Baigorri inguruan antolatzen dituzte ekintzak.