“Irakurtzen duen umea pentsatzen duen heldua izango da”

Etorri da negua eta akaso urtaro honek aukera handiagoak ematen ditu irakurketarako. Baliatzen dugu aukera gogorarazteko zergatik den garrantzitsua irakurtzea. Gustuko dutenek eta irakurtzeko denbora hartzen dakitenek ondo dakite hau guztia. Eta, batez ere, ez ahaztu: irakurtzen duen umea pentsatzen duen heldua izango da.

Irakurtzeak gizaki jantziagoak egiten gaitu, kritikoagoak eta gauzak analizatzeko gaitasun handiagokoak. Mundua beste begi batzuekin ikusten laguntzen digu eta arrazoitzen ikasten dugu.

Irudimena lantzeko aukera ematen du, eta irudikatzeko gaitasunean trebatzen gaitu. Amets egiten eta sormena lantzen laguntzen digu. Kontzentrazioa hobetzeko ere oso egokia da. Irakurketa oinarrizko zutabea izan ohi da ikasketa prozesu gehienetan.

Irakurtzeko zaletasunak, bestalde, une baketsu mordoa eskainiko dizkigu. Buruan ditugunak aldi baterako baztertzeko aukera emango digu irakurzaletasunak, eta deskonektatzeko abagunea behin baino gehiagotan. Estres maila ere jaitsiko digu makina bat aldiz, eta gorputza lasaitzea ahalbidetuko du horrek.

Baita ere, garuna forma onean mantentzen laguntzen digu, odol-fluxua estimulatzen du eta gure arreta eta oroimena hobetzen laguntzen du.

Makina bat idatzi da gai honen inguruan. Irakurketa on!