Zer gertatzen da gaur egun haur batek ahoan sartzen duen edozer gauza lurrera erortzen bada. Guraso batzuk esterilizatu egingo dute umeari itzuli baino lehen eta beste batzuk putz egin edo gainetik pixka bat garbitu eta eman egingo diote.

 

 

 

 

 

 

 

Zer esana sortzen du gaiak. Gaur egungo neska-mutikoek germenekin edo mikrobioekin duten kontaktuaren inguruan teoria berriak daude. Higienearen hipotesia gero eta zabalduago dago, esaterako. Defendatzaileek argudiatzen dute lehen haurtzaroan mikroorganismoekiko gutxieneko kontaktu batek immunitate-sistemaren sendotzea ahalbidetzen duela. Eta neurri batean ‘aire librean’ hazteari buruz ari gara.

Duela mendi eta erdi ulertu zuen gizakiak mikrobioek gaixotasunak sortzen dituztela. Ordutik bakterioen, birusen eta onddoen mundu mikroskopikotik babesteko neurriak hartu dira. Egindako ahaleginak ondorio positiboak izan ditu: higiene hobea dugu eta horrek haur asko babestu ditu gaixotasunengandik zein heriotzarengandik. Neurri garrantzitsuak izan dira, esaterako, uraren kalitatea hobetzea edo esnea pasteurizatzea. Lehenengo haurtzaroan hiltzen diren umeen kopuruak behera egin du nabarmen.

Orain ordea, beste zalantza bat sortu zaigu: ondorio negatiborik ba ote dakar mikroorganismoengandik guztiz babestutako eremuetan hazteak?

Jack Gilbert doktoreak hainbat ikerketa egin ditu, eta honela dio: “Alde batetik ez jarri zure umea infekzio larriak ekar ditzakeen egoera batean, baina bestetik ez hazi guztiz esterila den giro batean ze kasu horretan ez du sistema immunologikoa modu egokian garatuko”.

Mikrobioma esaten zaio gizakiaren hesteetan garatzen den mikrobio multzoari, eta berezibiko garrantzia du mikrobioma hori modu egokian garatzea lehenengo haurtzarotik. Gizaki modernoa esterilizatutako mundu batean bizi da, sortutako mundu batean eta horrek eragina du lehenengo haurtzaroko sistema immunologikoaren garapenean.

“Ikertu behar dugu sortutako giro horiek gure osasunean duten eragina”, dio Maria Gloria Dominguez-Bello doktoreak. “Ez dira guk uste bezain esterilak. Onddo, bakterio edo birus bakoitzak eragin bat dauka pertsona bakoitzarengan. Ez ditugu oraindik elkarekintza guztiak ondo ulertzen”. Baina argi dago asma, alergia edo azaleko eccema kasuak gora egiten ari direla.

Iturria eta informazio osagarria hemen.

Argazkiaren iturria hemen.