Onuragarria da lasaitzeko, kontzentrazioa lantzeko, gauzak sortzen ikasteko edo sorkuntzaren inguruko interesa pizteko… Gaur pinturarekin jolasteari buruz arituko gatzaizue. Berezkoa zaigun hizkuntza da marraztea. Azken finean sormen jarduera batean aritzeak on egiten du. Zergatik uzten ote diogu marrazteari adin batetik aurrera?

Umeek oso gustuko dute margotzea. Jolasa da. Txikitatik proposa diezaiekegu margoekin jolastea. Interesa piztuko zaie, sormena landuko dute eta psikomotrizitate fina garatuko dute. Haur bakoitza mundu bat da, baina adituek diote urtebetetik aurrera has gaitezkeela margoak eskaintzen. Haurrak zikintzeko beldurrez guraso batzuk saihestu egiten dituzte hainbat jarduera, baina adituek diote horrelakoetan ere asko ikasten dutela umeek eta garrantzitsua dela haien garapenerako.

Ondo prestatu aurrez. Aukeratuko lekua eta prestatu ingurua. Horrekin batera toxikoak ez diren margoak eta haurrarentzako erabilgarri izango den egitura edo testura duen materiala eskuratu. Eta aurrera! Ederra gozamena!

Argazkiak: Naran Xadul