S’Cool Bus du izena eta hainbat esparrutan erabiltzen dute. Orain bi urte jarri zuten martxan Franziako Rouen herrian, eta dagoeneko 16.800 eskola ume garraituko dituztela adierazi dute bultzatzaileek. Bederatzi lagun sar daitezke ibilgailuan; zortzi erabiltzaile eta gidaria. Bizikletan moduan pedalei eraginda egiten du aurrera. Hala, osasungarria izateaz gain ekologikoa ere bada.

Rouen moduko hiri turistikoan bisitariei herria erakusteko ere erabiltzen dute ibilgailu berria, baina neska-mutikoek eskolarako joan-etorria egiteko emandako erabilerarengatik ekarri dugu gurera. Gero eta gehiago dira gurean ere umeek eskolarako bidea oinez edo bizikletan egiteko herriz herri antolatutako ekimenak. Guraso elkarte zein ikastetxe bat baino gehiago ari dira helburu horrekin egitasmo desberdinak martxan jartzen.

Rouen herrian S’Cool Bus asmatu dute. Ekimenak bi urte daramatza martxan eta eskaera handia dutela diote bultzatzaileek. Hala, egitasmoa diruz laguntzeko eskatu dute eta zerbitzua doakoa da erabiltzaileentzako. Berritzailea, segurtasunezkoa, ekologikoa, dibertigarria, osasuntsua eta praktikoa dela argudiatzen dute arduradunek. Horrekin batera, gurasoek denbora irabazten dutela eta eskola inguruetan auto gutxiago pilatzen dela nabarmentzen dute.

Zerbitzuak ibilbide bat egiten du egunero eta erabiltzaileak jasotzen joaten da eskolara iritsi arte. Eskola amaitutako berdina egiten dute baina beste norabidean neska-mutiko guztiak adostutako lekuan utzi arte.

Informazioa gehiago hemen —frantsesez—

Argazkiaren iturria hemen.