Eusko Jaurlaritzak, Arabako, Bizkaiko eta Gipuzkoako Foru Aldundiek eta EUDL Euskadiko Udalen Elkarteak Familien eta Haurren Ituna sinatu berri dute (2018-01-19). Aurrerantzean, bigarren seme-alabagatik jasotako diru-laguntzak hiru izango dira urtean, eta ez bi orain arte moduan. Neurriak bost milioi euroko inbertsioa suposatuko du eta helburua nagusia da Euskadiko jaiotza-tasa baxuak igoaraztea.

Euskal erakundeek seme-alabak dituzten familiak lagundu nahi dituzte eta modu horretan jaiotze-tasa baxuei aurre egitea. Emandako datuen arabera Euskadin 18.000 ume jaiotzen dira urtean, batez besteko amatasun-adina 33,4 urtekoa da, eta emankotasun-tasa 1,39koa.

Sinadura ekitaldian Iñigo Urkullu lehendakariak esan zuen familia mota guztiek izango dutela berdintasunezko trataera eta aniztasuna errespetatuko dela.

Familien eta Haurren Itunak bestelako helburuak ere baditu. Bultzatzaileek azaldu dute  erakundeek laguntza emango dutela gurasoek seme-alabei behar den denbora eskaintzeko, eta gazteen emantzipazioa bultzatzeko. Horrekin batera, amatasun eta aitatasun positiboaren programak sendotuko dituzte, eta baita ere gurasoen gaitasunak hezkuntza arloan.

Seme-alabak dituzten familiek txalotu egin dute akordioa. Zenbait talde feministatik, berriz, bestelako irakurketa egin dute. Adierazi dute gizonezkoak itun batera iritsi direla emakumezkoek ume gehiago izateko. Irakurketa horretan erreferentzia egiten zioten akordioa sinatzeko ekitaldi publikoan izandako gizon kopuruari.

Albistearen eta argazkiaren iturria: hemen.