‘Lur’, transexualitatearen gaia modu eredugarrian lantzen duen antzezlana

Kepa Errastik idatzia Lur familian ikusteko antzezlana da. “Barre egiteaz gain, hausnarketa eragiten duela esango nuke. Gero umeak gurasoekin berba egin dezala etxean obran gertatzen diren kontuez”, proposatzen du Errastik.

Ane, Julian (aitona) eta Jon (aita) dira Lur antzezlaneko pertsonaiak. Erika Olaizolak, Mikel Lasturainek eta Kepa Errastik antzezten dituzte hiru pertsonaia horiek.

Anek oso argi dauka mutila dela, baina familian zenbait gorabehera sortzen ditu egoerak. Transexualitatearen gaia oso modu naturalean kontatzen du antzezlanak, eta bereziki familian gozatzeko antzezlana da. Irudimena eta umorea ezinbesteko osagaiak dira.

Hurrengo emanaldiak azaroaren 1ean Azpeitian eta abenduaren 26an Donostian izango dira.

Bideo honetan Aretxabaletan egindako emanaldien inguruko kronika.