Uste dugu haurrak eta zientzia ez direla oso bateragarriak, baina Ana Galarraga zientzia kazetariak Bizitzaren Laborategian delako ipuin kontaketarekin eta zientzia esperimentuekin erakusten du neska-mutikoak eta zientzia ez daudela horren aparte.

Korapiloak askatzea da zientzia eta misterio bat diren fenomeno horiei azalpen bat ematea. “Galderak egin eta galdera horiei erantzuna bilatzea da zientzia. Neska-mutikoei askatasuna eman behar diegu galderak egiteko; izan ere, ez dago galdera txororik. Eta horrekin batera probatzeko eta hanka sartzeko aukera ere eman behar diegu”, azaltzen du Galarragak. Pazientziaren barruan dago zientzia”, azpimarratzen du.

Helduon lana jakin-nahi hori bultzatzea dela uste du zientzia kazetariak. “Beraien erara egin behar dituzte gauzak, ez gure erara eta ez da ezer gertatzen zikintzen edo bustitzen badira. Txintxo, geldirik eta isilik egoteko eskatu beharrean utzi esperimentatzen”.

Zientzia kotzeptu oso zailak lantzen dituela uste dugu eta egia da azalpen guztiak ezin dituztela ulertu baian beste batzuk errazagoak dira eta oinarritik gora egiten da zientzia, eta oinarri hori badago umeen eskura.

Magoek ere zientzia egiten dutela dio Galarragak. “Haurrek ikusten dute azalpenik ez duen horrek berez baduela.  Hau da, zerbait gertatzen denean badagoela azalpen bat.  Hori bera izan daiteke akuilu beste misterio batzuk argitzen saiatzeko”.