2018ko abuztuaren 6ko datarekin argitaratu zen laguntza sistema aldatzen duen dekretua. Laguntza Eusko Jaurlaritzako Enplegu eta Gizarte Politiketako Sailetik kudeatuko dute, eta berrikuntzetako bat da bigarren seme edo alabagatiko laguntza hirugarren urte batez luzatzea.

Hala, hiru urtetan jarraian kobratuko da: jaiotza urtean, semeak edo alabak urtea betetzen duenean eta, azkenik, bi urte betetzen dituenean.

2018an bi urte betetzen dituzten bigarren seme-alabek hirugarren urterako laguntza eskatu ahal izango dute. Laguntza eskaera egiteko epea 2018ko abenduaren 31ra arte egongo da zabalik.

Moldaketak bestelako berrikuntzak ere ezartzen ditu. Seme edo alaba kontzeptua zabaldu egiten da, eta 18 urte baino gehiago eta 25 urte baino gutxiago izan eta familia-etxean gurasoekiko mendekotasun ekonomikoa duten seme-alabak ere barruan sartuko dira.

Aldatu egiten da baita ere adopzio edo tutoretza kasuetan hasierako eskaerak aurkezteko epea zenbatzen hasteko eguna. Aurrerantzean, erregistro zibileko bulegoan inskribatzen denean hasiko da aurkezpen-epea.

  • Argibide gehiago argitalpen esteka hemen.
  • Diru-laguntza egiteko inprimakia hemen.

 

Argazkiaren iturria hemen.