Mundu mailan orain dela 10 bat urte sortu zen fenomenoa da  hau eta sekulako arrakasta izan zuen  Hego Amerikako hainbat herrialdetan, Estatu Batuetan eta Ingalaterran, batez ere.

Dagoeneko, sare ikaragarriak sortu dituzte, bai nazioarte mailakoak, bai tokian tokikoak (hizkuntzaren arabera gehienetan). Hori guztia, azpi-kultura digital bat sorrarazten ari da: booktuber horiek, azken finean, euren esperientzia literarioak besteekin konpartitu nahi dituzten neska-mutilak baitira eta neurri horretan literatur kritikari berrien sare eta plataformak ari dira sortzen.

Irakurtzeko zaletasuna eta liburuekiko duten pasioa partekatzen dute booktuberrek.

Galtzagorri elkarteak eta   EAEko liburutegi zerbitzuak euskal booktuberrak sustatzeko egitasmoa habiatu zuen 2017an, Booktuberboom.

Booktuberboom egitasmoak booktube lehiaketa eta booktuber kedadak  ditu oinarri. Kedada hauek Araba, Bizkaia eta Gipuzkoako gaztelekuetan zein liburutegietan egiten  dira. Helburua 14 eta 18 urte bitarteko gazteen irakurzaletasuna hauspotzea da. Nola? Ikus-entzunezko euskarriak baliatuta. Bide batez, euskal booktuber plataforma bat sortzea dute helburu. 2017ko   edizioan 50 booktubetik gora jaso ziren eta youtubeko kanal honetan daude ikusgai.

Hona hemen iazko booktuber irabazlea. Jon Martinez. Gazte eibartarrak Antton Kazabonen Erotik liburua aukeratu zuen bideo bidez gomendioa egiteko.