Dolu laguntzailea da Eider Otxoa eta garrantzitsua deritzo heriotzarako prestatzea. “Zoritxarrez heriotzak tabu izaten jarraitzen du gure gizartean eta nahi izaten dugu tiradera batean gordeta edukitzea, baina azaldu egiten da”, azaltzen du.

Dolua galera baten aurrean bizi dugun prozesua da. Emozionalki, fisikoki, kognitiboki… bizitzen dugu prozesu hori eta hori guztia orekatu beharra dago. “Dolu prozesu hori identifikatuta edukitzea garrantzitsua da; izan ere, mina bizitzeko momentu bat da. Dolu laguntzaileok egiten duguna da doluaren diagnostikoa —jakiteko zein fasetan dagoen— eta gero terapiaren bidez sostengua eta laguntza eskaini”.

Otxoak dio kontuz ibili behar dela bizi gabeko doluekin. “Heriotza azaltzen den unean hartzen ditugun erabakiak eta egiten ditugun ekintzak —edo egiten ez ditugunak— gerora garrantzi handia dute, pisu handikoak direlako eta erruduntasun sentimendua eragiten dutelako. Kontuan hartu behar da zelan azaltzen den heriotza eta noiz. Prestatuta bagaude eta heriotzari aurretik begiratzen badiogu urrats egokiagoak emango ditugu, bai guretzako bai hilko den pertsonarentzako”, dio.

Elkarrizketa interesgarria da edozeinentzako. Galera bat beti da gogora. Bereziki gogoan ditugu seme-alabak galdu dituzten gurasoak edo galera bati aurre egin behar dioten haur txikiak dituztenak.