Petako bat eskuz nola egin azalduko dizuegu gaurkoan. Erraza da eta jostagarria umeentzako.

Osagaiak:

. taula aglomeratu bat. (Neurriak: 27 x 50 cm)

. inklinazioa emateko bi taula aglomeratu. (Neurriak: 27 x 6 cm)

. 28 iltze

. taula aglomeratuak elkarren artean iltzatzeko bi iltze handi

. bi pintza

. hiru txapa

. tamaina askotariko 21 goma elastiko

. kanika bat

. margoak

. mailu bat

Azalpenak:

. Nahi izanez gero apaindu gustura taula aglomeratu handia. Gure kasuan bere horretan utzi dugu, baina margotu daiteke nahi moduan.

. Atzeko aldean erantsi petakoari inklinazioa emateko prestatu ditugun bi taula aglomeratu txikiak.

. Markak egin iltzeak, txapak eta pintzak non sartu behar diren ondo adierazteko.  Mailuaren laguntzarekin sartu guztiak banan-banan eta minik hartu gabe. Kontuz bi pintzekin. Gogoratu mugitu egin behar direla beraz ez oso estu iltzatu.

. Goma elastikoak erantsi iltze batetik betera. Ikus bideoan kanikaren abiatzeko puntua nola eginda dagoen.

. Prest duzu petakoa. Bota kanika eta aurrera!