Eskoletako jolastokiaren inguruan bada kezka azkenaldian. Ikastetxe askotan ari dira jolastoki horien diseinua aztertzen. Elkartoki eskoletako jolastokiak modu parte-hartzailean eraldatzea helburu duen ekimena da, eta eskuragarri dute Patioa denona da liburua. Hausnarketa eta proposamen interesgarriak jasotzen ditu hainbat artikuluren eta elkarrizketaren bitartean.

Elebitan dago Patioa denona da liburua eta hemen deskarga daiteke. Parte hartu duten adituak dira Marisol Antolín, Vito Gil-Delgado, Mikel Olaizola, Virginia Navarro, Ismael Iglesias, Ane Rodríguez, Eukene Fernández, Anartz Ormaza eta Josu Elortegi.

2014. urtetik proiektuan parte hartu duten eskolak, berriz, honakoak dira: Zabala eskola (Getxo), Karmelo Ikastola (Bilbo), San Nikolas Ikastola (Getxo), Karmelo Etxegarai Ikastola (Azpeitia), Lekeitioko Eskola Publikoa (Lekeitio), Geroa Ikastola (Getxo), Abendaño Ikastola (Gasteiz) eta Kueto Eskola (Sestao).

“Elkartokiren ezaugarri nagusia, eta aldi berean, ikastetxe bakoitzean garatutako proiektu bakoitza abian jartzeko orduan, bi premisa hartu behar ditugula kontuan: alde batetik, genero berdintasuna, partaidetza eta esperimentazio artistikoa babestu eta lantzea (balore horiek hartzen baititu oinarritzat proiektuak); eta bestetik, esparru malgua eskaintzea proiektua ikastetxe bakoitzaren aukera eta premietara ahalik eta gehien egokitzeko, era horretan, proiektua ikastetxearen nortasunaren atal bihurtu dadin”, adierazi dute Elkartokitik.

Argazkiaren iturria.