Gaztetxoek ahotsa dute.

Gaztetxoek iritziak dituzte.

Gaztetxoek badute zer esana eta zer aderazia gai askoren inguruan.

Baina uzten al diegu? Aukerarik, ahotsik  ematen al  zaie?

Horixe da Haziak egitasmoak Oiartzungo antzerki taldeko gazteei eman diena, ahotsa.

Bideo laburretan jaso ditugu beraiek esketx moduan sortutako antzerkiak.

Oso argi eta ozen  adierazten dute zer diren eta zer ez duten izan nahi. Talde direla bai, baina ez direla ardi.

Oso argi eta ozen adierazten dute ez dituztela azterketarik nahi! beraien denborak ere balioa duela.

Hona hemen Gure munduak plazara izenburu nagusipean sortutako bi bideoak ikusgai.

Zuen inguruko gaztetxoei bideo hauek erakutsi eta beraiek ere zer esateko duten galdetzera gonbidatzen zaituztegu.

Zer egingo dugu gaztetxo hauek, eta gure inguruan ditugunek, modu batera edo bestera adierazten diguten horrekin? beste alde batera begiratuko dugu edo aukerak sortzeko adorea edukiko dugu? Beraientzat baino beraiekin aldaketarako eremuak sortzeko eta aukerak zabaltzeko gai izango al gara?

Helduok mugak sortzen ditugu eta eraikitzen ditugun espazioek, zurruntasunak, antsietatea, komunikaziora eta bizitzarako ezintasunak eratzen dituzte. Zailtasun guzti hauek, helduok eta bereziki kate produktiboan gaudenok, erabiltzen ditugun hainbat botereri uko egingo bagenio, desagertzen hasiko lirateke.

Egoera hau iraultzeko gutako bakoitzak zer egin beharko genuke? Eta kolektibo moduan?

Ez dugu galdera hauentzako erantzunik baina jarraituko dugu gaztetxoen ahotsa sormenaren bitartez azaleratzeko bide horretan.

Nora Barroso eta Nekane Martiarena