Guraso.eus egitasmoan guraso elkarte ezberdinak ezagutzea ere helburutzat daukagu. Aste honetan Hirukide elkartea ezagutzeko  bertako langile den Ibai Arberasekin hitz egin dugu.

Hirukide Euskadiko Kide Ugariko Familien Elkarteen Federazioa da. Kide ugariko familiak kontsideratzen ditu. hiru seme-alaba edo gehiago (edo bi, bietatiko bat elbarritua bada) dauzkatenak, eta Euskadin 21.000 familia inguru dira.

Sinetsita daude batasunetik indarra sortzen dela, eta indarra da kide ugariko familiek behar dutena beraien  ahotsa entzunarazteko, hori da elkartetik aldarrikatzen dutena.

Hirukide 1999an sortu zen, Araba, Bizkaia eta Gipuzkoako elkarteak (Ausarki, Lasterbide eta Liluraldi elkarteak, hurrenez hurren) batzearen ondorioz.

Helbur moduan, familia ugarien eskubideak defendatzea dauka;  politika, instituzio, gizarte, komunikabide, enpresa eta bizitzaren arlo guztietan. Egun Gasteizen dauka egoitza Federazioak eta  8.000 bazkide (familia), hots, 44.000 lagun inguru ditu.