Bideoa ez da berria, baina egokia iruditzen zaigu Indarkeria Matxistaren Kontrako Nazioarteko Egunaren bueltan partekatzeko.

Beldur Barik egitasmoaren barruan ekoiztua mezu argia eta zuzena du. Hauxe egileek amaieran egiten duten gogoeta:

“Batzuetan uste izaten dugu indarkeria bikotearekin batera hasten dela, baina egia al da hori? Indarkeria haurtzaroan hasten da neskei eta mutilei rol desberdinak inposatzen zaizkienean.

Aldatu dezagun hori. Ez dugu mutil indartsu eta ausartik nahi. Ez dugu neska ahulik nahi. Umeak nahi ditugu. Ez ditzagun desberdindu.

Guztiok gara berdinak. Hezi dezagun berdintasunez eta tolerantziaz. Hezi dezagun beldur barik”.