Aurten ere martxan jarri dute Ttiklik egitasmoan  GURASOEI GUTUNA idazlan laburren lehiaketa (0-100… urte).

Haurrekin lanketa egiteko aukera paregabea aurkezten digute urtero. Gurasoekiko harremanak, gutunak idaztea, sentimenduen lanketa, istripuen eta doluaren gaia…

TTIKLIK! IDAZLAN LABURREN LEHIAKETAk, 2013. urtean du bere sorrera. Urte horretan bete baitziren 15 urte Itxaro Mendizabalen  gurasoak  auto-istripuz hil zirela. Galdu zituen  guraso horiei, eta beste guraso guztiei omenaldia egiteko asmotan, idazlan laburren lehiaketa honi ‘GURASOEI GUTUNA’ izena jarri zitzaion.

Lehiaketa honen helburua, bakoitzak bere gurasoei esan nahi dizkien hitzak gutun laburren bidez adierazteko aukera ematea da.

Azaroaren 15ean amaitu zen  lehiaketan parte hartzeko aukera eta guk Itxarorekin hitz egin genuen honen inguruan eta Tiklik egitasmoan ikasturtean dituzten erronken inguruan.

Donostiako Gazteria eta Zapaburu Hezkuntza elkartearekin batera 0-5 urte bitarteko haurrei eta beren gurasoei zuzenduriko programa zehatz bat diseinatu dute 2017-2018 ikasturterako.

Emozioen lanketa eta gorputz espresioa ere  landuko dute bi eskoletan.

Azkenik Durangoko azokara begira ere badute sorpresa bat, azken bost urteetan “Gurasoei gutuna” lehiaketan bildutako gutunen aukeraketa bat  liburu batean batu eta argitaratuko dute. Azaroaren 25an izango da  lehiaketako sari banaketa eta festa.