Espazioaren deskribapena

Jolas partea Hirutxulo plazan kokatuta dago. Labirintoa eraiki zenera arte, hesiz inguratuta zegoen eta erabilerarik ematen ez zitzaion belardi bat zen, belardi hau aukeratu dute auzoko haurrek jolasgunea eraikitzeko.

Material ezberdina berrerabiliz, jolaserako aukera ezberdinak eskaintzen dituzten elementuek osatzen dute labirintoa, jolasaren arabera zirkuitua osatuz jolas daiteke, edo elementu bakoitza independientetzat hartu daiteke.

Neumatikoak, enborrak eta egurrezko taulak dira elementu nagusiak, eta horietaz gain bi tunel daude altuera ezberdinetan kokatuta.

 Gunearen izena: Hirutxuloko jolas parkea.
Helbidea:Egia auzoan
Kokapena: Donosti
Estalia edo irekia: irekia.
Sarrera: doan.
Iturria: ez.
Komunak: ez
Irisgarritasuna: oinez, bizikletaz, autoz…
Gurpildun aulkientzako irisgarria: bai.
Aparkalekua: berta ez .

 

Bestelako zerbitzuak

Orain arte apaingarri izateaz gain beste erabilerarik izan ez duen belardia denez, ez dauka bestelako zerbitzurik inguruan. Haurrek beraiek diseinatutako jolasgunea eraikitzeko espazio hau aukeratu izanak haur gazte zein heldu jolasaren parte egitera gonbidatu nahi du.

[ngg_images source=”galleries” container_ids=”16″ display_type=”photocrati-nextgen_basic_thumbnails” override_thumbnail_settings=”0″ thumbnail_width=”240″ thumbnail_height=”160″ thumbnail_crop=”1″ images_per_page=”20″ number_of_columns=”0″ ajax_pagination=”0″ show_all_in_lightbox=”0″ use_imagebrowser_effect=”0″ show_slideshow_link=”1″ slideshow_link_text=”[Show slideshow]” order_by=”sortorder” order_direction=”ASC” returns=”included” maximum_entity_count=”500″]Egia Hezitzailea eta jolas parkea eraikitzearen bidea.

EGIAKO AUZOKIDEOK HAURREN IDEIETATIK AUTOERAIKUNTZAN ERAIKITAKO LABIRINTOA

Irutxulo plazako  (Egia, Donostia) labirinto hau auzokideon artean haur eta gazteek egindako proposamenetatik sortu eta eraiki den Egia Hezitzailea lan taldearen proiektu baten emaitza da. 

Zer da Egia Hezitzailea?

Egia Hezitzailea, Egia auzoko eragile ezberdinek osatzen dugun lan taldea gara. Auzo hezitzailea dugu helburutzat eta auzoko haur eta gazteen aisialdi parte hartzaile, euskaldun, hezitzaile eta herritarrean amesteak batzen gaitu. Izan ere, haur eta gazteen ikuspegia kontuan izanda eraikitzen den auzoa, guztiontzako onuragarria den auzoa dela uste dugu.  

Auzo hezitzailea izan gaitezen, ezinbestekoa iruditzen zaigu hiru zutaberen arteko elkarlana sustatzea: Hezkuntza eragileak (formal zein ez formalak), administrazioa publikoa eta herrigintzako eragileak.

Hori dela eta, honako eragileok osatzen dugu momentuz lan taldea:

Aitor Ikastola, Maria Reina ikastetxea, Eskola Bide segurua, Latxaga guraso elkartea, Bagera, Tabakalera, Antxeta Ttan-ttakun, Haurgunea, Egia Bizirik, Haurtxokoa, Ludoteka

Horretan gabiltza, taldea poliki poliki handitzen eta lan taldea osatzen dugun eragileon artean gure nahi eta asmoak etengabe aberasten. 

Nondik sortu da labirintoa?

Labirintoa azken hilabeteetan esku artean izan dugun proiektuaren emaitza da. 2017ko urtarrilean abiatu genuen 4 fase ezberdinetan banatutako prozesua, eta Aitor Ikastola eta Maria Reina ikastetxeko lehen hezkuntzako haur eta gazteak izan dira proiektuaren protagonista nagusiak. Auzoko espazio ezberdinak haur eta gazteen begiradatik aztertzea eta hauetan eraldaketak egitea zen proiektuaren helburua. Hauek dira eman ditugun pausoak: 

  1. Fasean auzoko espazio ezberdinak aztertu genituen
  2. Fasean ideia eta proposamenak jaso genituen eta hauen artean gauzagarriak zirenak aukeratu genituen.
  3. Fasean ideia eta proposamen gauzagarrien maketak osatu genituen.
  4. Fasea gauzatzea izan da. Kasu honetan labirintoaren eraikuntza.

Labirintoaren eraikuntzan parte hartu dute baita ere auzoko guraso ezberdinek, eta M-Etxea kolektiboa aholkularitza lanetan zein eraikuntza gidatzen ibili da.

Labirintoaren eraikuntza Olatu Talkaren barruan kokatzen den ekimena da.

Zenbat denbora zehar egongo da labirintoa eraikita?

2017ko maiatzaren 24an eraikiko da eta urte betean zehar egongo da eraikita 2018ko maiatzaren 24ra arte.

Zeintzuk dira erabilera arauak?

  • Labirintoa ondo pasatu eta esperimentatzeko espazioa da.
  • Denon artean zaindu eta mantendu behar dugu, gure atzetik datorrenak ere bertan ondo pasatzeko aukera izan dezan.
  • 5 urtetik gorakoentzako jolaslekua da.

Auzotik eta auzoarentzat egindako proiektua den aldetik, honen erabilera egiteko zein denen artean zaindu eta mantentzeko gonbidapena luzatu nahi dizuegu.