Txatxilipurdiko lagunen eskutik GaraiOneko sorginen zelaian (Ozaetako Otaza auzoan) egindako jolas bat dakarkigu gaurkoan guraso.eus egitasmora.
Azalpena:
Talde handian egiteko jolasa proposatzen dugu gaurkoan , Asterix eta Obelix! (guk honela deitzen diogu) .
Bi taldetan banatuko gara (hobe talde bakoitzak berezituko duen ikurren bat adosten badu, aurpegian margo kolore bat adibidez), talde batek bestearen aurka lehiatu beharko du.
Honetarako jolas eremua adostu behar dugu denon artean (hobeto zelai bat bada). Ondoren kide bakoitzak lehiatu ahal izateko tresnak hartuko ditu.
1. Margo bat
2. Zapi bat
3. Pintza batzuk
Talde bakoitzak jolas eremuko alde batean kokatuko da, ondoren jolasa hastean korrika habiatuko gara guztiok beste taldeko gure aurkariaren bila. Gure aurkariarekin topo egitean bion artean adostuko dugu zein tresnarekin lehiatu.
Margoa: bestea margotzea lortzen duenak irabaziko du lehia.
Zapia: Zapia ipurdian jarriko dugu eta aurkariari zapia kentzen dionak irabaziko du lehia.
Pintza: Bestearen gorputzean pintza kokatzea lortzen duenak irabaziko du lehia.
Bikote lehia irabazteen duenak bestearen tresna jolaslekuko bere aldera eramango du eta berriro aurkari berri baten bila habiatuko da. Galdu duenak berriz gelditzen zaion tresnekin lehiatzeko aurkaria topatu beharko du. Tresna gehien biltzen dituen taldeak irabaziko du lehia orokorra.
Iruzkinik ez "Jolas proposamena: ‘Asterix eta Obelix’"