Arabako hiriburuak parke eta berdegune eskaintza zabala du. Horien artean aurkitzen da El Prado izeneko parkea. Azalera handia du eta hainbat sarrera ditu: Portal de Castilla kaletik, Felicia Olave kaletik, Fray Francisco de Vitoria pasealekutik eta Elvira Zulueta kaletik.

Erdi inguruan neska-mutikoentzako jolas parkea dago. Txirristak, zabuak, eta gaztelu itxurako egurrezko estruktura ditu. Motrizitate behar bereziak dituzten neska-mutikoentzako zabu bat ere badago.

Umeen jolas parkearen ondoan baloiarekin edo bestelako jolasetara ibiltzeko hormigoizko gune zabala dago.

Zuhaitzak eta taberna

El Prado oso aberatsa da beste arrazoi askorengatik. 300 bat zuhaitz ditu eta mota askotakoak. 21 espezie daude zenbatuta, guztiak hostogalkorrak. Nabarmentzen dira indigaztainondoa, lizarrak, ezkiak eta astigarrak.

Parkearen kantoi batean, bestalde, ostatu pare bat daude eta ia urte osoan izaten dute terraza.

Informazio gehiago jolasparkeak.eus atarian.