Desatseginak dira eta kentzen saiatzen gara nola edo hala, baina mukiak oso kontuan hartu beharreko babes neurria dira guretzat zein gure seme-alabentzako. Mukiak ez dira gaixotasun bat seinale edo sintoma bat baizik.

Sudurraren barruko aldea mukizko ehun batek estaltzen du. Ez lehortzeko umel egon behar du baina ez da hori mukien funtzio bakarra. Ez dugu mukirik eduki nahi eta ez dugu gure seme-alabek mukirik edukitzerik nahi, baina mukietan antigorputz kontzentrazioa handia dago. Bestela esanda, defentsa neurri garrantzitsua dira. Sudurra da airearen sarrera biriketara. Infekzio asko sar daitezke sudurretik, eta mukiak dira horrelakoak eragozteko modua.

Mukiek babestu egiten gaituzte eta lagungarriak dira infekzioak ez areagotzeko. Birusen eta bakterioen sarrera oztopatzeko garrantzitsuak dira. Arazoa da mukiak desatseginak direla eta oso nekagarriak. Zenbait kasutan ez diote haurrari egoki arnas hartzen uzten, edo ezin dute bularra egoki hartu, edo botaka egiten dute jan orduko, edo ezin dute ondo lo egin…

Horregatik saltzen dituzten serumak, sudurrerako espraiak, mukientzako botikak, muki-xurgatzaileak… baina komeni da kontu horrekin ez itsutzea. Ez da ezer gertatzen umeak tarteka mukiak zintzilik baditu. Garbitu aukera dagoenean eta kito.

Umeak ezin badu egoki arnas hartu edo ezin badu ganoraz jan arindu mukiak pixka bat hobeto arnas edo jan dezan, baina mukiak beharrezkoak ditu infekzioari aurre egiteko. Gogoratu, ez dira gaixotasuna seinalea baizik.

Informazioa gehiago hemen (gazteleraz)

Argazkiaren iturria hemen.