Herriko beste hainbat elkarterekin elkarlanean antolatuta Naturan Jolasean delako ekimena egin du Txatxilipurdi elkarteak hirugarren urtez. Gustura ibili dira umeak Santa Barbara eta Monterron parkeetan jolasean. Espazio horiek jolaserako berreskuratzea eta naturako elementuekin jolasean egitea bultzatu gura dute ekimen horrekin.

Hiru urte dira Txatxilipurdi elkarteak Naturan Jolasean ekimena egiten duela Arrasaten. Herriko beste zenbait elkartek laguntzen dute egitasmoan eta aurtengoa ere ondo joan da. Goizean ginkana bat egin zuten Santa Barbara parkean. Bazkaria ere egin zuten nork bere otordua eramanda eta arratsaldean Monterron parkean kokatu zituzten hainbat jolas eremu.

Txoko desberdinetan antolatuta askotariko jolasak izan zituzten aukeran neska-mutikoek. Guztiak aire librean eta jolas libre espontaneoa bultzatzen zutenak.