Neska-mutikoak euskal arkitektura sortzaileetara gerturatzeko tailerra, Arantzazun

Arantzazu Gaur Fundazioak eta Jorge Oteiza Fundazio-Museoak elkarlanean antolatutako tailerra da Arantzan-Zu? arkitektura tailerra. Donostiako Maushaus estudioko kideen gidaritzapean handik eta hemendik –Gasteiz, Eibar, Zarautz, Iruñea, Oñati…– etorritako 6 eta 11 urte arteko hogei neska-mutikoak elkartu ziren, Arantzazun, arkitektura-lantegian.

2013az geroztik eskaintzen dute tailer hori eta arrakasta handiarekin gainera Juan Biain arduradunaren esanetan.

Beste urte batzuetan artista bakar bati eskaini diote lantegia, baina oraingoan basilika osotasunean hartu dute, eta arkitektoak, eskultoreak eta pintoreak, guztien lanak ezagutu zituzten neska-mutikoek. “Eskultoreen kasuan, Jorge Oteizaren eta Eduardo Txillidaren lanak goraipatu ditugu. Pintoreak ezagutzeko kripta bisitatu dugu, eta Nestor Basterretxea, Lucio Muñoz eta Alvarez de Eulateren beirateriak ikusi ditugu. Eta Saenz de Oiza eta Laorga arkitektoak ere ezagutu ditugu”, adierazi du Biainek.

Tailer praktikoa

Hiru taldetan banatu zituzten gazteak. Batzuk arkitekto lanetan jardun zuten, beste batzuk eskultore lanetan, eta hirugarren taldekoak pintore lanetan, adibidez beiratea egiten.

Hurrengo astian beste saio bat egongo da, baina plaza danak beteta daude.

Argazkien iturria: Goiena.eus