Etxealdiarekin batera iritsi den opor garai honetan seme-alabekin euskaraz jolasteko eta euskarazko bizipenen kutxa osatzen hasteko proposamen batzuk aurkezten dizkizuegu.

Etxean egongo garen garai hauetan euskarari leku handia egiteko ere baliatu dezakegu, jolastu dezagun euskaraz eta indartu euskarazko bizipenak. Hau, bereziki, euskaraz ez dakiten familietan zaintzea oso garrantzitsua da, baina baita euskaraz egiten dugunok ere.

Egun bakoitzean jolas bat egitea proposatzen dizuegu. Jolas horretan egindakoa edo beharrezko materiala kutxan sartuko dugu. Azken egunetan kutxan dauden jolasak errepikatzeko momentua izan daiteke. Noski, beste hainbat jolas eta jarduera ere txertatu ditzakezue, erabili sormena beldurrik gabe.

Proposamenak 4 eta 8 urte arteko haurren familientzat pentsatutakoak dira, eta euskaraz ez dakiten gurasoek ere egin ahal izateko egokitu dira.

Ekin jolasei!

1go eguna: KUTXA PRESTATU

Zer egingo dugu?Etxean izan dezakegun materialarekin kutxa poli bat prestatu elkarrekin (seme-alaba eta gurasook).

Oporretako kutxa zertarakoden azaltzeko une egokia izan daiteke

Kutxaren helburua euskararekin eta euskaraz jolasteko erabiliko dugula esateko momentua izan daiteke. Euskara asko ez dakiten gurasoek gainera seme-alabei laguntza eskatzeko baliatu dezakete momentua. Umeei irakastea asko gustatzen zaie eta ziur lagundu nahi digutela!

2. eguna: LINTERNAREN JOLASA

Nola jolasten da?

Linterna bat eskutan etxeko gela bat ilunpetan jarriko dugu.
Aldaera 1: Linterna eskutan hartuko du batek eta nahi duen objektua argiztatuko du:

-Zer da hori?
-Hori baloia da

Aldaera 2: Linterna eskutan hartuko du batek eta besteak honela galdetuko dio:
-Nondago leihoa?
-Leihoa hor dago (linternarekin argiztatuz)

JOLASTU ostean linterna kutxan sartu. GOMENDIOA: Euskara asko ez dakiten gurasoek gelan aurkituko dituzten objektuak ikasi edo “txuletatxo”bat prestatzea komenigarria da.

3. eguna: EGIN ESATEN DUDANA!

Nola jolasten da?

Umea(k) eta heldua(k) parez pare jarriko dira. Jolasa errazagou lertzeko nagusia hasiko da jolasten eta hau da esan behar duena: “egin esaten dudana, ukitu: belauna!” Parean dagoenak/daudenek belauna ukitu beharko du baina esaldia esan duenak gorputzeko beste edozein parte ukituko du. Hor dago zailtasuna eta dibertigarri egiteko gakoa. Zenbait aldiz egingo du batek eta ondoren beste baten txanda izango da.

JOLASTU ostean gorputzeko atalak adierazteko iruditxo bat marraztu eta kutxan sartuko dugu.

GOMENDIOA: Euskara asko ez dakiten helduek gorputzeko atalak ikasi edo txuleta bat eskutan izatea egokia izan daiteke

4. eguna: ITSU-LAGUNTZAILEA

Nola jolasten da?

Jolasaren helburua aginduak emanaz erronka lortzea izango da.

Zein da erronka? Erronka begiak estalita eta bestearen laguntzaz ezkutatutako 5 objektu aurkitzea izango da. Etxeko 5 objektu aukeratu eta batek objektuak etxetik zehar sakabanatuko ditu, ez dira ezkutatu behar, hartzeko moduko lekuetan ipini behar dira.Ondoren objektuak ezkutatu ez dituztenek zapi batekin begiak estaliko dituzte eta ilaran jarriko dira. Objektuak ezkutatu dituenak aginduak emanaz objektuak hartzera eramango ditu besteak: aurrera, geldi, hiru pauso ezkerretara…Aginduak ematen dituenak ezin du inor ukitu. Bi pertsona edo gehiagok jolastu dezakete. Bi baino gehiago badira aginduak batek emango ditu eta besteek begiak tapaturik trena eginez (bata bestearenatzean) mugituko dira.

JOLASTU ostean zapia sartuko dugu kutxan.

GOMENDIOA: Euskara asko ez dakiten helduek instrukzio batzuk ikastea komeni da: aurrera, atzera, eskumara, geldi…Biren artean ere jolastu daiteke, batek ezkutatu eta besteakaginduak eman

5. eguna: IMINTZIOKA

Nola jolasten da?

Aurpegi keinuak egingo ditugu, aurpegiekin imintzioak egin eta sentimenduekin lotu behar dugu. Zer moduz zaude? Triste zaude? Pozik zaude? Haserre zaude? Nekatuta zaude? Guk jartzen dugun aurpegia asmatu behar du edo berak jarri eta guk asmatu.

JOLASTU ostean emotikono baten irudia margotu eta kutxan sartuko dugu GOMENDIOA: Euskara asko ez dakiten helduek sentimendu batzuk nola esaten diren ikasi behar dituzte: triste, pozik, nekatuta…

6. eguna: NON EZKUTATU DUZU?Asmatu!

Nola jolasten da?

Etxeko gela batean objektu txiki bat ezkutatuko du batek eta besteek aurkitu. Objetuak ezkutatu dituenak pistak emango dizkio besteari. -Non ezkutatu duzu?

-Asmatu!-Ondo noa?
-Hotz, hotz…
-Hemendik ondo noa?

JOLASTU ostean ezkutatzeko erabili dugun objektuak sartuko dugu kutxan.

GOMENDIOA: euskara asko ez dakiten gurasoek hitz batzuk aurretik ikastea komeni da: hotz, bero, epel, erretzen….

7. eguna: EZ DAKIT NOR NAIZEN!

Nola jolasten da?

Animalia desberdinen irudiak behar ditugu jolas honetarako. Margotu, beste jolas batetik hartu, … poltsa txiki batean sartuko ditugu. Poltsatik animalia baten irudiahartu eta kopetan ipiniko dugu zer den ikusi gabe. Galderak eginaz nor garen asmatzeko unea da

.TXIKITXOEKIN JOLASTEKO ALDAERA:

-Ez dakit nor naizen. Lagunduko didazu?
-Baaaaai!
-Elefantea naiz?
-Ez, ez zara elefantea.
-Ez dakit nor naizen. Lagunduko didazu?
-Baaaaai!-Katua naiz?
-Bai!! Katua zara.
Orain nire txanda.

NAGUSIEKIN JOLASTEKO ALDAERA:
-Ez dakit nor naizen.
Lagunduko didazu?
-Baaiiiii!
-Non bizi naiz?
-Basoan bizi zara.
-Ta zenbat hanka ditut
-Lau hanka dituzu…
-…

JOLASTU ostean animalien irudiekinbete dugu poltsatxoa kutxan sartu. GOMENDIOA: Euskara asko ez dakiten gurasoek erabiliko diren animalien izenak ikasi eta jolasteko elkarrizketa ikastea komeni da. Nagusiekin jolasteko aldaeran momentu batzuetan euskaraz nola esaten den ez badakigu ez kezkatu. Esan gazteleraz baina haurrak euskaraz esan dezala, ez badiozu ulertzen lehenengo euskaraz esateko eta gero gazteleraz laguntzeko eskatu.

8. egunetik aurrera: KUTXAKO JOLASEKIN JOLASTERA!

Gaur zein tokatuko zaigu?

Kutxatik begiak itxita zerbait atera eta hori izango da egunerako jolasa!