Txikipedia zortzi eta hamahiru urte bitarteko haurrentzako euskarazko entziklopedia da, lexiko eta sintaxi egokituak dituena, hau da, euskara garbi eta errazean idatzita dago.

Entziklopedien historia gogoratzea bide ona da ikasteko moduak nola aldatu diren irudikatzeko. Garai batean Larousse liburukoteak ziren eskolako lanak egiteko laguntza nagusia, gero euskarazko Lur eta Harluxet entziklopediak heldu ziren eta, Internet orokortzearekin batera, Wikipediaren zabaltze erabatekoa. Euskarazkoak 300.000 artikulu ditu eta egunero 70.000 artikulu irakurtzen dira.

Joan den apirilean, Txikipedia jaio zen, derrigorrez ezagutu beharreko baliabidea.  1.200 artikulu baino gehiago dauzka dagoeneko eta etengabe handitzen ari da, baliabide librea izanik, kolaboratzaile sare zabalak eguneratzen baitu.

Tresna bikaina, beraz, haurren jakin-mina asetzeko eta haien lan egiteko ohiturak sustatzeko. Izan ere garrantzitsua da seme-alaben ahalegina baloratzea eta motibazioa elikatzea, etxerako lanetan ez ezik, ikasketa prozesu osoan. Are eta gehiago hizkuntzaren garapenaren kasuan, une ludiko eta goxoetan euskara nagusi izan dadin bultzatu behar da, ez soilik ikasteko garaian.

Era.eus etik ekarritako testua.

Lotutako estekak:

Txikipedia aurkeztu dute

Koldo Biguri: “Euskal Wikipedia da munduan gazteentzako bertsioa integratuta duen bakarra”