Gurasoek seme-alabekin egiteko  proposamen interesgarriak biltzen dituen  liburua kaleratu du  Elhuyarrek.

Elhuyar erakundeak “Ume jakinguratsuen esperimentu-liburua” argitaratu du, 4 eta 8 urte bitarteko haurrei zuzendutako esperimentu liburu berria. Haurrek pentsaera zientifikoa izatea, eta haiengan intuizioa eta gauzak ikertzeko eta aurkitzeko sena piztea dira argitalpenaren helburuak.

Elhuyarreko arduradunen arabera, beste liburuetatik bereizten dituen beste zenbait ezaugarri ditu, izan ere, bizitza errealeko esperientzien bidez, haur oso txikiak ere gai dira esperimentuak diseinatzeko, egindako aurrerapena dokumentatzeko eta behar bezala emateko beren aurkikuntzen berri, “haurrak direlako protagonista nagusi eta bakarrak, inoren laguntzarik gabe egiteko moduko esperimentuak direlako, egitearekin batera pentsarazi egiten dielako, irudiak oso gertukoak eta argigarria eta argigarriak direlako eta azalpenak adinari oso egokituak daudelako”.

Liburuak 100 ariketa praktiko biltzen ditu, eta zortzi kapitulutan banatuta daude:

  • Landareak eta haziak;
  • Ura eta izotza;
  • Lizuna,
  • bakterioak eta onddoak;
  • Ingeniaritza;
  • Janaria eta gozokiak;
  • Bikarbonatoa eta ozpina;
  • Ingurumen zientzia eta Bizidunak.

Argitalpenaren jarduerak erraz aurki daitezkeen eta umeen jakinmina pizten duten materialen inguruan sortuak dira. Kapitulu bakoitzaren hasieran jarduerarako beharrezkoak diren gaitasunak edo teknikak aipatzen dira, bai eta kapitulu horretan beharko den guztiaren zerrenda bat ere.

Argitalpenean  genero berdintasuna zaindu dutela nabarmendu behar dugu,  argazkietan neska eta mutilak agertzen dira parekidetasuna zainduz.