Bizipoza elkartearen MUNDU BERRI BAT GUZTIONTZAT ekimena aitzakia moduan hartuta, bertan aurkeztu diren abesti eta bideoklipen  atzean dauden elkarteak ekarriko ditugu guraso.eus egitasmora.

Otsailaren 3an ikusi genuen lehen aldiz Hemen gaude! Izeneko abestia eta honen atzean dagoen 3/12 elkartea ezagutu genuen bideo eta abesti eder baten bitartez.

Elkartea hobeto ezagutzeko Yolanda Fonsecarekin  hitz egin dugu.

Egun batean, ohetik jaiki, eta zure semearen osasunari buruzko berri txarren zurrunbilo batean sartzen zara. Garezurra apurtuta izan dezake erorketa baten ondorioz, iktus bat izan du, konbultsioa izan du edo konortea galdu du.

Hartutako kalte zerebrala bezalako ezgaitasuna eragiten duten gaixotasun guztiak larriak dira, nerbio-sistema zentralari eragiten baitiote. Ia inork aurre egiteko prest ez dauden egoerei aurre egin behar diete haurrek eta haien familiek.

ELKARTEA

Hiru Hamabi 3/12  Garuneko kaltea jasan duten adin txikikoen familien elkartea da. Adingabe horiek eta haien senideek dituzten gabeziak arintzeko sortu zen.


Irabazi-asmorik gabeko erakundea da, eta honako helburu hauek ditu: Egoera hau duten pairatzen duten pertsonen senideei informazioa eta aholkularitza ematea, familien arteko laguntza-espazioak eta laguntza-sistemak eskaintzea , eta kolektibo horrek dituen arazoei eta beharrei buruzko aholkularitza, informazioa eta sentsibilizazio-ekintzak garatzea.


BIZIPOZAREN ABESTIA

  • Hiru Hamabi elkartearekin Bizipoza elkarteak sortu duen “Hemen gaude” abestiaren hitzak Julio Soto Ezkurdia bertsolariak egin ditu. Ahotsa, Oihane Fernandez Iturri eta Enrique Villarrealek jarri dute.
  • MUNDU BERRI BAT GUZTIONTZAT kantu eta bideoklipak, BIZIPOZA elkartea osatzen duten 11 elkarteentzako ekoiztutako lana da, 34 euskal sortzaileekin elkarlanean egina. Bertan 12 abestiz eta 11 bideoklipez osatutako CDa eta DVDa aurkituko dituzue. 
  • 34 euskal sortzaileekin elkarlanean ekoiztu dugu. 
  • Honetaz gain, liburuxka formatuan eta elkarteen ilustrazio banarekin, bakoitzaren deskribapena, ipuintxoa eta abestiaren letra topatuko dituzue. 
  • Elkarteen eta euskal kultur sortzaileen arteko elkarlana da elkarteen kantu eta bideoklipen proiektuaren oinarri nagusia. 11 elkartek egunerokoan lantzen dituzten gaiak eta haien errealitateari buruzko abestiak eta bideoklipak dira, elkarte bakoitzaren mezua musika, hitza eta irudiaren bidez gizarteratzeko helburu dutenak.

Disko liburua eskuragai duzue hemen