Oihartzun handia izaten ari da jazarpen egoerei aurre egiteko Ikastolen elkarteko ikastetxeek urtarriletik aurrera ezarriko duten KiVa programa. Finlandiatik ekarria, egindako ikerketen arabera emaitza oso onak ematen ditu.

Oñatiko Txantxiku ikastolako Ainhoa Guridik azaldu digu zertan den ikastetxe horretan programa berriaren ezarpena. “Ikerketek diote jazarpen egoeren aurrean taldeak eragin handia duela. Programa honekin era sistematikoan landuko ditugu bai prebentzioa bai esku-hartzeak (…) Helburuak dira jazarpen egoerak murriztea, ondorioak apaltzea eta, noski prebentzioa”.

Hamabostean behin egingo dituzte saioak Txantxiku ikastolan eta material zehatz batekin egingo dute lan. Xehetasun gehiago ondorengo bideoan: