Txikitatik moztu behar zaizkie azazkalak umeei. Zaila da eta askotan larritasuna ematen du esku txikiak direlako eta geldirik egoten ez direlako. Baina garrantzitsua da moztea. Egin ezean gerta daiteke umeak bere kabuz mozten hastea, hau da jaten hastea…

15145494_520d6e90c4_o

Ohitura txarra da eta behin hartuta kentzen zaila. Ondorio kaltegarri ugari ditu eta komeni da ondo ezagutzea arazoaren maila ondo ezagutzeko.

1. Infekzio iturri: azazkaletan zikinkeria asko pilatzen da, eta berez dira infekzio iturri batez ere esku zikinak ahora eramaten baditugu. Zenbait ume, batzuetan, hanketako azazkalak jaten ere hasten dira.

2. Zauri gaiztotzeko arriskua: azazkalean egindako zauria gaiztotzeko arriskua handia da. Sarri jandako azazkalaren ingurua handitu eta gorritu egiten da. Paroniquia du izena. Gaiztotuz gero zornea sortzen da, eta mingarria eta deserosoa izaten da, gainera.

3. Hortzeria arazoak: azazkalak luzaroan jaten dituen pertsonak azkenean arazoak eragiten ditu hortzerian. Hortzak higatu egiten dira eta gerta daiteke hortzak mugitzea ere.

4. Mina hatz puntetan: azazkalak jatea ohitura errepikakorra bihurtzen bada gerta daiteke azazkalak baino gehiago hozkatzea. Azakalaren atal biguna jan eta gero hatzamarrera itsatsita dagoen atala dator, eta zenbait kasutan azazkala jan eta gero bigarren zati horri ekiten diote umeek. Min egitera iristen dira askotan, eta hatzamarra babes naturalik gabe uzten dute. Osatu bitartean atzamar horrek min eragin dezake.

Nola kendu ohitura

Saiatu umeak azazkalak janteko ohitura uztea. Garrantzitsua da. Baina nola lortzen da hori? Hemen zenbait gomendio.

. Azalpena eman: azaldu zergatik den hobea ez jatea arriskuak zeintzuk diren aurkeztuz eta esan nola lagunduko diogun ohitura kaltegarri hori uzten..
. Saiatu argitzen zein den azazkalak jatearen arrazoia: antsietateagatik izan daiteke edo aspertzen delako‚Ķ Saiatu argitzen eta arrazoi horri konponbidea ematen. Urduri dagoen umeari on egingo dio giro lasaiago batek. Aspertuta dagoen umeari on egingo dio entretenituta egoteak…
. Ez izan zorrotzegia: azazkalak jatea ekintza boluntario bat da, baina denborarekin ohitura bihurtzen da eta ia konturatu barik egiten da. Askotan atentzioa deitutakoan konturatuko dira azazkalak jaten ari direla. Antsietateagatik egiten dutela jakinik hobe da ez haserre egitea, eta ez zigortzea. Urduriago jarriko ditu horrek. Izan dadila prozesu lasaia eta garrantzitsua da umea ere prozesuko parte izatea. Azazkalak jateari uztea erabaki kontziente bat izatea.
. Botikak edo tiritak saihesstu: prozesuan laguntzeko umeak eskatzen ez baditu saihestu, batez ere ez badituzte onartzen. Umeak zigor moduan har dezake eta horrek gehiago urdurituko du. Sortu giro lasaia etxean umeak ondo lo egin dezan, utzi jolasten aspertu arte eta ez dadila etxera iritsi nahikoa jolas edo korri egin arte. Tentsioa kanporatu egin behar da.
. azazkal bat handitzen utzi: prozesoa gogorra egiten bazaigu eta aurrerapenik ikusten ez badugu saiatu azazkal bakar batekin. Lortzen duenean azazkal horrek neurri egokia hartzea eman garrantzia lorpenari eta esan harro gaudela. Behin hori eginda utzi aukeratzen zein izango den handitzen utziko duen hurrengo azazkala.

Albistearen iturria hemen.

Argazkiaren iturria hemen.