112ra garaiz egindako dei batek biziak salba ditzake izenburupean kaleratu du Eusko Jaurlaritzak 6 urtetik gorako haurrek 112 telefonoa behar bezala erabiltzen laguntzeko abian jarri duen kanpaina.

Bideoan irudi errealak eta animaziokoak erabili dituzte, eta hainbat arrisku-egoera zuzenean bizi ondoren, hala nola etxeko istripuak, suteak edo osasun-larrialdiak, 112ra deitzen duten bi neska-mutil dira protagonistak.

Bideoan azaltzen da, 112ko operadore baten bidez, nola erantzun funtsezko galderei gertakaria identifikatzeko (zer gertatu da?), non gertatu den jakiteko (non zaude?), pertsona identifikatzeko (nola duzu izena?)  eta eragindako pertsona-kopurua zehazteko (ba al dago inor min hartuta?). Gainera, nabarmentzen da garrantzitsua dela erantzun argiak eta zehatzak ematea larrialdietarako zerbitzuak (sutea itzaltzeko zerbitzuak, osasun-zerbitzuak, polizia, …) gertakariaren lekura ahalik eta denbora laburrenean iritsi daitezen.