Badira urte batzuk ekimena martxan jarri zutela, eta ez dute hutsik egiten. Udaberrian, urtero, Ahotik bihotzera ipuin maratoia egiten dute Antzuolan.

 

Aste bukaeran egin dute aurtengoa, eta bertan elkartu dira ipuinak entzutea gustuko dutenen gozamenerako Iñaki Mata, Dorleta Kortazar, Marisol Abreu, Anabel Muno, Lur Katugorri, Maider Artzelai, Andres Cortes, Virginia Imaz eta Rakel Imaz kontalariak.

Eguerdian ipuin kontaketa saioak egin dituzte bai Zurrategi plazan bai herriko plazan. Ia bi orduko maratoia izan da. Arratsaldean, berriz, Olaran etxean izan da emanaldia.

Dorleta Kortazarren arabera, “giro oso polita” izan dute, eta pozik agertu da izandako erantzunarekin.