Martxoan eraiki edo landatu zuten jolas-gune berria, Leintz Gatzagan. Zume-bizia landatuz sortu zuten, eta loratzen hasita dago dagoeneko.

Garaion Sorgingunekoak eta Gatzagako bizilagunek elkarlanean egindako gunea da. Udaletxe alboan dago kokatua eta mila bat zume landatuta sortu zuten martxoan.

Barraskilo forma du jolas-guneak; gorputzak hiru sarrera ditu eta buruak, bi ate. Udaberria iristearekin batera atera zaizkio hostoak barraskiloari.

Gustura egoteko moduan daude Leintz-Gatzagan. Egindako ahaleginak jaso du saria.