Eskulan erraza eta polita egiteko argibideak aurkituko dituzue hemen. Eskumuturrekoa egingo dugu erabilitako edari-potoetatik lortutako irekigailuekin —17 erabili ditugu guk– eta 50 bat zentimetroko goma-xingola birekin.

Irekigailuak gordetzen joango gara eta nahikoa pilatutakoan ekingo diogu lanari. Gogoratu ondo tolestu behar direla min egiteko modukoak izan daitezkeen puntak.

Behin materiala elkartuta banaka-banaka joango gara irekigailuak josten. Goma-xingolarekin joango gara bat bestearekin kateatzen. Hiru pauso dira beharrezkoak irekigailu bakoitza ondo lotuta gelditzeko. Azpian dituzuen argazkietan duzue pauso bakoitza.

Eta gure neurriko eskumuturrekoa egindakoan prest dugu erabiltzeko. Goma-xingolak erabiliko ditugu korapiloa egiteko. Gozatu!