Oñatiko Irazan antzerki guneko kidea da Itziar Arkauz eta aste bukaeran egin dute ikasturte amaierako ikuskizuna. Antzerki tailerretan parte hartzen duten neska-mutikoekin egin dute Galapote ikuskizuna.

Playback lehiaketa bat irudikatu dute eta antzerkilari gazteek egindako lana ez da oharkabean pasa. Antzerkian trebatzeak bizitzarako baliabide asko ematen dituelakoan daude Irazanen. Gustuko dutelako egiten dute, eta ondo pasatzen dutelako. “Uste dugu antzerkia ona dela. Azken batean oso lagungarria da egunerokotasunean ere. Egoera askori aurre egiteko ezinbestekoa da antzerki apur bat. Beti etortzen da ondo”, azaltzen du Arkauzek.