‘Biblioporrak’ gida atera dute zazpi udaletako bibliotekek elkarlanean. Aramaioko, Aretxabaletako, Arrasateko, Bergarako, Eskoriatzako, Legazpiko eta Oñatiko udal liburutegiek elkarlanean egindako egitasmoa da Biblioporrak gida, eta aurten 25 urte bete ditu, eta berrikuntzekin dator.

Gida liburuxka bat da non biblioteken gomendio ugari eskaintzen diren. Liburuak, filmak eta musika batzen ditu. Irakurtzen hasi berri diren haurrentzat, 6 urtetik gorakoentzat, 9 urtetik gorakoentzat, gazteentzat eta helduentzat banatuta, proposamen ugari eskaintzen ditu. Hain zuzen ere, irakurleari informazioa, orientazioa eta aukera zabala eskaintzea da Biblioporrak gidaren helburua.

25 urte hauek ospatzeko, eta Internet bidez jende gehiagorengana hurbiltzeko asmoz, ikus-entzunezkoa ere egin dute edizio honetan.

Biblioporrak-2019Download