Hasi da 2019-2010 ikasturtea. Ikasle batzuk gustura itzultzen dira ikasgeletara, baina beste batzuei kosta egiten zaie.

Alberto Iñurrieta psikologoak eskolarako itzulerari buruz egin digu berba. “Oporraldia beti lotzen dugu denbora librearekin eta askatasunarekin. Eskolara bueltatzea betebeharretara bueltatzea izaten da, eta normala den moduan aldaketa hori nabaritu egiten da”.

Gurasoak zenbateraino gara umeek oporren amaierarekiko izan ditzaketen beldurren arduradun? Iñurrietak dio badugula ardura horretan eta gurasook transmititu beharko genukeela abentura berri batean sartuko direla.

Nola jokatu lehenengo aldiz eskolara doan ume batekin? Eta eskola aurreko ikasturteetatik ezagutzen duen umearen kasuan? Maila errepikatu duenarentzat edo ikastetxea aldatu duenarentzako gogorragoa da? Eta diziplina eta ordutegi kontuak nola bidera daitezke oporraldiko lasaitasunaren ostean?

Iñurrietak hainbat gako eman ditu.