Hitz egiten dugunean esaten duguna garrantzitsua da, baina are garrantzitsuagoa izango da esaten dugun hori esateko modua. Haurren kasuan ere, benetako entzule fina izatera iristeko, haurren komunikazioaren ez hitzezko elementuei erreparatu beharko diegu. Haurrek komunikatzen duten mezua, hitzekin baino, ahots tonuarekin, gorputzaren mugimendu zein zurruntasunarekin, ixiluneekin eta begiradarekin komunikatzen dute. Baina, zelan irakurri hain anitza eta askotan inkontzientea den hizkuntza?