Eskuak edo oinak ez dira erreferente onak haur bat hotzak edo beroak dagoen jakiteko, eta argi ikusten da hori TermografiArte-ko kideek ateratako argazki honetan. Armando Bastida pediatria erizainak eman ditu hainbat azalpen.

“Kolore bakoitzak tenperatura bat adierazten du, eta argi ikusten da gorputz-adarrak hotzago daudela, batez ere eskuak eta oinak. Tenperatura handieneko guneak besapeak eta lepoa dira. Hori horrela, haur batek tenperatura ona duen jakiteko gomendatzen da lepoa eta bizkarra ikutzeko. Toraxa eta burua ere adierazle onak dira; izan ere, bertan daude organo garrantzitsuenak. Hankak eta besoak hiruzpalau gradu gutxiagotan egon ohi dira”.

Oinek eta eskuek lila kolorea dute. Antzerako kolorea du haurtxoa etzanda dagoen guneak. Beraz, gorputz-tenperatura baino dexente azpitik daude oinak eta eskuak. “Gomendioa da, beraz, eskuak edo oinak hotzak daudela antzematen badugu eskularruak eta oinetakoak jartzeko, eta ez arropa gehiago”.