Ezaguna da bi arratoi hauen marrazkia. Oso zabalduta dago sarean. Heldua den arratoi batek eskutik darama arratoi kumea, eta badoaz aurrera. Atzetik ikusten ditu ikusleak eta bistan ditu arratoi helduak zenbat zepo daramatzan isatsetik helduta.

Bien arteko elkarrizketa falta da irudian. Hauxe da:

– “Ikusten, ez zegoen batere arriskurik!”, dio txikiak.

– “Arrazoia zenuen, baina nik lagundu egin nahi nizun”, berriz handiak.

Gurasotasuna irudikatzeko marrazki polita da. Jakinekoa da, gainera, gurasoen presentzia sumatzen duen haur batek segurtasun handiagoa sentitzen duela. Beharrezkoa dute segurtasun hori. Beharrezkoa dute presentzia hori.

Irudiaren iturria hemen.