Google Family Link guraso kontrola baimentzen duen Googleren app berri bat da. App honen bitartez gurasoek seme-alaben gailu mugikorrak eta Chromebookak kontrola ditzakete urrunetik.

Zainketa sistema honek funtzionatzen du seme-alabak bere mugikorrean konfiguratuta duen Google kontua (Gmaila) gurasoenera atxikiz. Horretarako, Family Link aplikazioa seme-alaben gailuan instalatu behar da, eta beste aplikazio bat gurasoetako baten gailuan.

Gurasoen gailuko Android bertsioa 4.0 edo ondorengoa izan behar da edo bestela iOS 9tik aurrerakoa. Haurren kasuan, berriz, 7.0 edo ondorengoa.

Aplikazioak baimentzen du zainketa egitea soilik umea 16 urte azpikoa bada. Umea 14 urte azpikoa bada, eta bere izenean kontu bat sortu nahi badugu, Googlek bere kontua gure Gmail kontura atxikitzeko eskatuko digu. Behin 14 urte betetzean, Google kontu normal bat izan nahi duen erabakitzeko aukera izango du nerabeak, eta horrela balitz gurasoei jakinarazpen bat helduko zaie. Gailua ikuskatzen jarraitu nahiko bagenu, Appean berriz aktibatu beharko genuke zainketa.

Gurasoen kontrola konfiguratu ahal izateko, Gmail kontu bat izan beharko da eta beste kontu bat seme-alabak. Umearen Gmail kontua sortzeko garaian jaiotze data erreala eskatuko digu. 14 urte azpiko baten Google kontua izanez gero, gurasoen kontura atxikitzera derrigortzen du honela, gurasoen kontrola aktibatu ahal izateko.

Family Link konfiguratzen saiatuz gero Gmail kontu normal batekin –16 urtetik gorako baten kasuan–, aplikazioak ez du gurasoen kontrola konfiguratzeko aukerarik emango.

Family link aplikazioa martxan jartzeko argibideak hemen.

Iturria: KZBlog