Mireia Centeno psikologoa, psikopedagogoa eta irakaslea da. Alde batetik eskolako psikologoa da eta bertan ume zein irakasleekin lan egiten du. Eta beste aldetik, tailerrak, hitzaldiak eta formakuntzak ematen ditu familia eta irakasleentzako. Azken asteetan “Motibazioa haurrekin” hitzaldiaren gidaria izan da eta haurren motibazioa sustatzeko zenbait aholku eta jarraibide eman ditu. 

Mireia Centeno; psikologoa, psikopedagogoa eta irakaslea

Haurrak motibatuta daude gaur egun?

Gaiaren arabera… agian guk motibatuta egotea nahi ditugun gauzetarako ez. Nik uste dut motibatuta jaiotzen garela instintiboki, baina askotan, ikasketen kasuan adibidez, ikasteko instinto hori irakasle zein gurasoek ez dugula ondo lantzen. Zaila egiten zaigu motibazio hori piztuta mantentzea. Hala ere, gaur egun gero eta gehiago dakigu honen inguruan eta eskoletan eboluzioa ikusten da. Orain arte ez ditugu agian metodologiarik hoberenak erabili; notak, azterketak, zigorrak…  Baina aldaketa txikiek haurrak barruan dituen beldur eta nahiak ateratzen dira. Bizitzako lehenengo urtetan motibatuago egoten dira, aipatutakoa errespetatzen delako, bai nagusiak egin ahala, guraso zein irakasleei zailagoa egiten zaigu motibazioa nola mantendu jakitea. Nik pentsatu nahi dut aldaketak egiten ari garela eta emaitza positiboak ikusten direla jada; bide onean goaz.

Nola motibatu ditzakegu umeak?
Lehen pausua bere buruaz zer kontzeptu daukan jakitea da. Motibazio falta askotan bakoitzak bere buruan mezu negatiboa duelako gertatzen da. Eta sarritan mezu horiek irakasle edo gurasoengandik jasotzen dituzte, nahi gabe.  Beste kasu posible bat zailtasunak izatea da. Eta guraso eta irakasle moduan etengabe erritmora ailegatzea behartu edo gehiegi eskatzen badiogu, desmotibatu daiteke. Beraz, garrantzitsuena barne behaketa bat egitea da, desmotibazioa nondik datorren aurkitzeko.

Bestalde, pisu gehiago jarri behar dugu saiakeretan, jendarteak emaitzetan jartzen baitu. Baina emaitzara heltzeko prozesua garrantzitsuagoa da. Beraz, haurrei transmititu behar zaie esfortsua garrantzitsua dela, ez bakarrik emaitza. Geroz eta ikerketa gehiago daude esaten dutena garapen bat dagoela etengabe, eta gure garunak eta gure gaitasunak entrenatzean ongitzen joaten direla. Haurrei mezu hori eman behar diogu; ez da bakarrik indartsua zara edo adimentsua zara eta listo, zu zarena zara eta esfortsu bati esker garatu zaitezke. Esfortzuari garrantzia emanez gero, edozer gauza lortu daiteke.

Askotan ez dugu heldu bezala dugun boterean sinisten, baina bi hitz esanda umearen egunerokotasuna guztiz alda dezakegu.

Hitzaldien inguruko informazio gehiago Facebook eta https://mireiacenteno.com/ webgunean.