Donibane Garazitik abiatuta bada bost bat kilometroko txango zirkular bat egokia familian egiteko. Ibilbidearen zati bat Santiago bideko erromesek jarraitzen zutena da, eta txangoak aukera ematen du Donibane Garaziren ikuspegi eder bat ikusteko.

Gomendioa da Donibane Garaziko harresi parean dagoen aparkalekuan aparkatzea. Bertatik, Eyheraberry aterantz egin behar da eta erromatar zubirantz jaitsi. Ez da zubia gurutzatu behar. Hogei bat metro aurrera eginda eskumara hartu behar da. Bidea markatuta dago.

Oinezkoak Petotegi (Pétoteguy) baserrirantz egin behar du. Inguru horretan ikuspegi zoragarria dago, eta ia Donibane Garazi guztia ikus daiteke.

Itzuleran, Mayorga eskolatik pasako gara eta Espainiako atetik iritsiko gara aparkalekura.

Esan gabe doa Donibane Garazik ere merezi duela bisita.