‘Ezetz esan eta ezezkoak onartu’ hitzaldia Bergaran izango da, martxoaren 3an, Irizar jauregian, 18:00etan. Hizlariak Etxadiko kide diren Ainhoa Manzano Psikologian Doktorea eta Maialen Sanchez Psikologian eta Psikopedagogian lizentziatua izango dira. Hitzaldia 9-16 urte bitarteko haur eta gaztetxoen gurasoei zuzenduta dago eta euskaraz izango da. 

Hitzaldiaren inguruko nondik norakoak hobeto ezagutzeko, Bergarako Udaleko prebentzio teknikaria den Arantzazun Loidi elkarrizketatu dugu.

‘Ezetz esan eta ezezkoak onartu’ hitzaldiaren irudia

Zer topatuko dute hitzaldian gerturatzen direnek?

Gure egunerokotasunean, sarritan, inguruko jendearen eskaeretara erantzuteko beharrean ikusten dugu gure burua (gurasoak, seme-alabak, lankideak, lagunak, ezagunak, ezezagunak…). Hainbat dira bizitzan topatzen ditugun egoerak eta hainbat ere hauen aurrean eman ohi ditugun erantzunak. Batzuetan baietz esaten dugu, besteetan ezetz, baina.. baietz eta ezetz guzti horiek bat al datoz sentitzen dugunarekin eta eman nahiko genukeen erantzunarekin?

Erantzun horiek emateko momentuan anitzak dira erabakiak hartzeko kontutan izaten ditugu alderdiak: besteek zer pentsatuko duten, zein izango den izango duten erreakzioa, guk zerbait eskatu dugunean eman dizkiguten erantzunak, pertsona horrekin dugun konfiantza maila, harekiko dugun hierarkia… Zenbatetan egiten dugu nahi dugunaren kontrakoa? Eta ezetza adierazteko momentuan, nola egiten dugu? Modu lasaiean? Justifikazioak emanez? Haserre sentimenduarekin? Eta behin erantzuna emanda, nola sentitzen gara?  

Beste aldean jarriz gero, inguruko norbaiti eskaera bat egiten diogu eta honek ezetz erantzuten digu, errespetu handiz eta azalpen gutxi emanda, beharbada, gogorik ez duela esanda. Momentu horretan zein izaten da gure erreakzioa? Kontutan hartzen eta jarraitzen ditugun irizpideak, berdinak al dira guri eskatzen digutenean edo guk eskatzen dugunean? Eta gure seme-alabak nerabeak edo nerabezarora heltzear daudenak ezetz esaten digutenean, zein izaten da gure erantzuna? Ezetz esateko aukera ematen diegu? Bere ikuspuntua eta arrazonamendua adierazteko aukera ematen diegu? Kontutan hartzen al dugu haiek esandakoa? 

Galdera guzti hauek oinarri hartuta, hausnarketarako gunea izango da ‘Ezetz esan eta ezezkoak onartu’ hitzaldia.

Zergatik da garrantzitsua ezetz esaten jakitea?

Gogoan izan behar dugu helduak eta, batez ere gurasoak, haur eta nerabeen eredu garela. Guregan ikusten dutena errepikatzeko joera izaten dute, bakoitzak bere bizipen eta nortasunera egokituta, noski. Nik ezetz esateko gai ez banaiz, modu oldarkorrean edo mila justifikazioz hornitua esaten badut, nola egingo dute ba haiek? 

Ezetzak esan eta ezetzak onartu. Gure beharrizanak eta emozioak errespetatu, besteenak ere errespetatzen ditugun bitartean, asertibitatea praktikatu eta hartutako erabakiekin zien izandako ondorioekin lasai egon, hortxe dago klabea 

Zeintzuk dira helburuak?

Hleburu nagusia gurasoendako gune berezi bat eskaintzean da, gai zehatzen inguruan hausnartzeko eta argibide batzuk edo eta ondorio batzuk ateratzeko. Kasu honetan ezetza esan eta onartzearen inguruko hausnarketa egitea da helburu nagusietako bat. Saiakerak egiten baditugu eta gure egunerokotasunean ezarri, errezagoa izango da gure inguruekin harreman sanoago bat izateko. Informazio gehiago nahi izanez gero, sartu www.etxadi.org edo eta www.bergara.eus  webguneetan.