Gaur maiatzaren 5a da eta egoerak berdin jarraituz gero astebete besterik ez da falta gure senitarteekin, lagunekin… elkartu ahal izateko. Hala, oraindik bilobak ezagutzen ez dituzten aitona-amonak hauen etxeetara bisitatzeko aukera izango dute.

Aukera honek kezka sortu du eta segurtasunez egin ahal izateko jarraibideen bila dabiltza familia asko. Honen inguruan solasaldia egin zuten domekan, Euskadi Irratiko Osasun Etxea saioan, Felix Zubia medikuarekin batera. Zubia medikuak “dena ondo antolatzeko denbora” hartzea eta “jende pilaketak” ekiditea garrantzitsua dela azaldu zuen. “Bisitan doazenak banaka edo binaka joan daitezela, etxeko hurbilenak bakarrik, eta aitona-amonek ez asko luzatu bisita. Bisitan joan aurretik ez geldialdirik egin, eta maskara jartzea gomendagarria da. Garrantzitsuena orain arte ikasitako neurri orokorrak errespetatzea da; eskuak garbitu bisita egin baino lehen eta ondoren…”, gomendatzen du Zubiak.

Felix Zubiari Euskadi Irratiak egindako elkarrizketa osoa hemen.

Argazkiaren iturria hemen.