Calendar
When:
2020-05-20 @ 1:58 – 2:58
2020-05-20T01:58:00+02:00
2020-05-20T02:58:00+02:00
Arrasate: Naturan Jolasean 5. edizioa

Txatxilipurdi, Leintz Eskola Kirola, Besaide M.E, Gaztetxeko Guraso eta Haur Asanbladarekin elkarlanean egin da ekimena

Txatxilipurdi, Leintz Eskola Kirola, Besaide M.E, Gaztetxeko Guraso eta Haur Asanbladarekin elkarlanean egin den ‘Natura Jolasean’5.edizioa aurkeztu dute “testuingurura egokituta dagoen proposamen bat luzatuz”. Maiatzaren 20tik 25era, etxetik hurbil dauden natur gune batera hurbiltzerakoan, bertan , jolas libre-espontaneoan aritzea proposatzen dute, beti ere jarraian datozen prebentzio neurriak kontuan harturik:

  • Natur gunea aukeratzerako orduan, herriko mugen baitan dagoen bat lehenetsi.
  • Adin tarte bakoitzari dagozkion ordutegiak errespetatu.
  • Gainontzeko pertsonekin kontaktua ekidin, bi metrotako tarteak zainduz.
  • Natur gunearekin atsegina izan.

Honetaz gain argazkiak atera eta ondorengo helbidera bidaltzea naturanjolasean@gmail.com proposatzen dute aurtengo honetan. Behin epea amaitzean, argazki guztiak batu eta hauekin guztiekin bideo bilduma polit bat osatuko dute. Parte hartzea bultzatu eta ideiak errazte aldera, hemen jolaserako adibide batzuk:

https://www.youtube.com/watch?v=JaPGZG1mw04&feature=youtu.be

Ildo berean, natur guneen aukeraketa errazte aldera, hemen herriko natur guneen zerrenda:
– Etxezarreta
– Hidalgobaso.
– Kurtzetxiki.
– San Balerio.
– Antoniña.
– Monterron.
– Santa Barbara.
Nabarmentzekoa ere, Udalak duen natur bideen sarea:
https://www.arrasate.eus/eu/mondragon-turismo/zer-egin/natura-bideak

Aurkezpenarekin batera, honako testua zabaldu nahi izan dute herritarren artean: “COVID 19ak sortu berri duen testuinguru honetan, jendarte gisan dauzkagun errutina, arau zein kodigoak errotik eraldatuak izan zaizkigu epe laburrean. Ondorioz, egokitzapen prozesu kolektibo batean barne bildurik gaudela esan genezake, non momentuz nahikoa lan dugun
errealitate berria onartu eta honetara egokitzen. Aurrera begira jarriz gero, ondorengo asteetan bizi izango ditugun faseen gainditzearekin batera, eszenatoki berri bat zabalduko zaigu non badirudien, natur guneek berebiziko rola jokatuko duten eta gure askatasunaren babesgune nagusi izango diren. Hau horrela izanik, LEK, Besaide Mendi Elkartea, Gaztetxeko Guraso eta Haur Asanblada eta Txatxilipurdi Elkartetik, gaur inoiz baino ozenago, espazioa hauen balio zein zaintzaren aldeko aldarria zabaldu nahi dugu.Egitasmo hau osatzen dugun lau eragileok, natura ordezkorik ez duen osasun, ongizate, ikasketa eta sormen iturri agorrezina dela deritzogu eta hezkuntza komunitatean ere gero eta gehiago dira, ildo honen aldeko apustua egiten ari diren adituak”.

Hau horrela izanik, azpian, testuinguru honekin hezteak dakartzan hainbat onura:

  • Funtsezkoa da zentzumenen eta adimenaren garapenerako.
  • Estimulu zein ikasketa iturri agortezina da.
  • Lasaigarria eta arreta-piztailea da.
  • Garapen sozial eta afektiboa sustatzen du.
  • Fantasiaren, irudimenaren eta jolas librearen elikagai da.
  • Garapen osasuntsua erraztu eta errespetatzen du. Biofobia fenomenoari (naturari beldurra) aurre egiten laguntzen du.