Galtzagorri elkartearen aste honetako liburu gomendioa. A. A. Milneren Winnie Pooh ipuin bilduma da.

Idazlea: A. A. Milne.

Ilustratzailea: E.H. Shepard.

Itzultzailea: Juan Kruz Igerabide Sarasola. 

Denonartean, 2019. Lau urtetik gora.

Alan Alexander Milnek bere seme Christopherrentzat idatzitako ipuinak batzen ditu 1926an lehenengoz argitaratu zen liburu honek. Haur-literaturaren klasiko honetan Winnie Pooh hartza eta Ehun Akreko Basoan bizi diren lagunen istorio eta abenturak azaltzen zaizkigu, Christopher Robin bera eta haren trapuzko panpinak protagonistatzat hartuz. Fantasiaz eta umorez beteriko hamar pasarteetan pertsonaia bakoitzaren izaera ezagutuko dugu.

Ernest Howard Shepard-en lumazko ilustrazio originalak (koloreztatu gabeak) nahiko errealistak dira eta Christopherren trapuzko panpinak leialtasun handiz irudikatzen ditu.